കേന്ദ്ര പോലീസ് സേനകളിൽ ജോലി നേടാൻ സുവർണാവസരം. 84,866 തസ്തികകളിലേക്കാണ് നിയമനം. നവംബർ 24 മുതൽ ഡിസംബർ 28 വരെ അപേക്ഷ സമർപ്പിക്കാവുന്നതാണ്. പത്താം ക്ലാസ് വിജയിച്ചവർക്കായി സ്റ്റാഫ് സെലക്ഷൻ കമ്മീഷൻ (SSC) നടത്തുന്ന വലിയ റിക്രൂട്ട്മെന്റാണിത്.
ബോർഡർ സെക്യൂരിറ്റി ഫോഴ്സ് (BSF), സെൻട്രൽ ഇൻഡസ്ട്രിയൽ സെക്യൂരിറ്റി ഫോഴ്സ് (CISF), സെൻട്രൽ റിസർവ് പോലീസ് ഫോഴ്സ് (CRPF), ഇന്തോ ടിബറ്റൻ ബോർഡർ പോലീസ് (ITBP), സഷസ്ത്ര സീമാ ബാൽ (SSB), സെക്രട്ടറിയേറ്റ് സെക്യൂരിറ്റി ഫോഴ്സ് (SSF), ആസാം റൈഫിൾസ് (AR), നർക്കോട്ടിക്സ് കൺട്രോൾ ബ്യൂറോ (NCB) എന്നീ സേനകളിലേക്കാണ് നിയമനം നടക്കുക.
18-നും 23-നും ഇടയിൽ പ്രായമുള്ളവർക്ക് അപേക്ഷിക്കാവുന്നതാണ്. എസ്.സി/എസ്.ടി വിഭാഗക്കാർക്ക് അഞ്ച് വയസ് ഇളവ് ലഭിക്കും. ഒബിസി, വിമുക്ത ഭടന്മാർ എന്നിവർക്ക് മൂന്ന് വയസ് ഇളവ് ലഭിക്കും. കംപ്യൂട്ടർ അധിഷ്ഠിത പരീക്ഷ, ശാരീരിക പരിശോധന, കായിക ക്ഷമതാ പരീക്ഷ, വൈദ്യപരിശോധന എന്നിവ മുഖേനയാണ് തിരഞ്ഞെടുപ്പ്. ഉദ്യോഗാർത്ഥികൾ ശാരീരിക ക്ഷമതാ പരീക്ഷ പാസാകേണ്ടതുണ്ട്.