ദീപാവലിയോടനുബന്ധിച്ച് എല്ലാ സോഷ്യൽ മീഡിയ പ്ലാറ്റ്ഫോമുകളിലും നിരവധി ഓഫറുകളാണ് പ്രത്യക്ഷപ്പെട്ടിരിക്കുന്നത്. ഇപ്പോഴിതാ ട്രെയിൻ-ബസ് ടിക്കറ്റുകളുടെ ഓൺലൈൻ ബുക്കിംഗുകളിൽ ഇളവുകൾ പ്രഖ്യാപിച്ചിരിക്കുകയാണ് പേടിഎം. ദീപാവലി നിരക്കുകൾ പ്ലാറ്റ്ഫോമിൽ പ്രസിദ്ധീകരിച്ചിട്ടുണ്ട്. മിക്ക നഗരങ്ങളിലേക്കും ആകർഷകമായ ഓഫറുകളാണ് ലഭ്യമാകുന്നത്.
പേടിഎം മുഖേന ബസ് ടിക്കറ്റ് ബുക്ക് ചെയ്യുന്നവർക്ക് 500 രൂപ കിഴിവ് ലഭിക്കും. തത്സമയ ബസ് ട്രാക്കിംഗ് സേവനങ്ങളും ഇതിലൂടെ ലഭ്യമാകും. ബസ് ബുക്ക് ചെയ്തിട്ടുള്ളവർക്ക് അവരുടെ ബന്ധുക്കളുമായി ലൈവ് സ്റ്റാറ്റസ് പങ്കിടാനാകും. യാതൊരുവിധ കാൻസലേഷൻ നിരക്കുകളും ഈടാക്കാതെ ബുക്കിംഗ് റദ്ദാക്കാൻ പേടിഎം ഈ സീസണിൽ അനുവദിക്കുന്നുണ്ട്.
ചാർട്ട് തയാറാക്കുന്നതിന് ആറ് മണിക്കൂറിനുള്ളിൽ ടിക്കറ്റ് റദ്ദാക്കുകയാണ് എങ്കിൽ ഉപയോക്താവിന് മുഴുവൻ തുകയും റീഫണ്ടായി ലഭിക്കുന്നതായിരിക്കും. കൂടാതെ തത്കാൽ ടിക്കറ്റുകൾ ഉൾപ്പെടെ എല്ലാത്തരം ട്രെയിൻ ടിക്കറ്റ് ബുക്കിംഗുകളും ഇതിലൂടെ ലഭ്യമാകും. യുപിഐ മുഖേന ട്രെയിൻ ടിക്കറ്റ് ബുക്ക് ചെയ്യാൻ പേടിഎമ്മിലൂടെ സാധിക്കും. എന്നാൽ ഇതിന് യാതൊരു വിധത്തിലുള്ള അധിക ചിലവുകളും ഈടാക്കില്ല.
പേടിഎം ആപ്പ് മുഖേന ഉപയോക്താക്കൾക്ക് അവർ സഞ്ചരിക്കാനിരിക്കുന്ന ട്രെയിനിന്റെ ലൈവ് റണ്ണിംഗ് സ്റ്റാറ്റസും പിഎൻആർ സ്റ്റാറ്റസും പരിശോധിക്കാവുന്നതാണ്. ഇതിന് പുറമെ യാത്രികർക്ക് ഇൻഷുറൻസ് സേവനങ്ങളും പേടിഎം വാഗ്ദാനം ചെയ്യുന്നു.
