മുംബൈ: മുംബൈയിലെ ആഡംബര അപ്പാർട്ട് മെന്റുകൾ മൂന്നിരട്ടി ലാഭത്തിൽ വിറ്റ് ബോളിവുഡ് നടൻ രൺവീർ സിംഗ്. 2014 ഡിസംബറിൽ 4.64 കോടി രൂപയ്‌ക്ക് വാങ്ങിയ അപ്പാർട്ട്മെന്റുകൾ 15.25 കോടിയ്‌ക്കടുത്താണ് രൺവീർ വിറ്റത്. ഗോരെഗാവ് ഈസ്റ്റിലെ ഒബ്‌റോയ് എക്‌സ്‌ക്വിസൈറ്റ് റെസിഡൻഷ്യൽ കോംപ്ലക്‌സിലാണ് ഈ ലക്ഷ്വറി അപ്പാർട്ട്മെന്റുകൾ സ്ഥിതി ചെയ്യുന്നത്.
1,324 ചതുരശ്ര അടി വീതം വിസ്തൃതിയുള്ള ഇടത്തിന്റെ ഓരോ യൂണിറ്റിനും 45.75 ലക്ഷം രൂപയാണ് സ്റ്റാമ്പ് ഡ്യൂട്ടിയായി നൽകിയത്. രൺവീർ സിംഗും പങ്കാളി ദീപിക പദുകോണും അടുത്തിടെ ബാന്ദ്ര ബാൻഡ് സ്റ്റാൻഡിലെ സാഗർ രേശം ബിൽഡിംഗിൽ ഒരു വീട് വാങ്ങിയിരുന്നു. 119 കോടി രൂപയ്‌ക്കാണ് താരങ്ങള്‍ വീട് സ്വന്തമാക്കിയത്. ഇതിന് പിന്നാലെയാണ് പഴയ അപ്പാർട്ട് മെന്റുകൾ വിറ്റത്.
