വരനെ ആവശ്യമുണ്ട് എന്ന ചിത്രത്തിലൂടെ മലയാളത്തിലേക്ക് അരങ്ങേറ്റം കുറിച്ച താരമാണ് കല്യാണി പ്രിയദർശൻ. ഒരു കാലത്ത് സിനിമാ ലോകം ചർച്ച ചെയ്തിരുന്ന ലിസി-പ്രിയദർശൻ ദമ്പതികളുടെ മകൾ എന്ന ലേബലിനപ്പുറം സിനിമാ ലോകത്ത് തന്റേതായ ഇടം നേടിയ വ്യക്തിത്വമാണ് കല്യാണി. ചുരുക്കം ചില സിനിമകളിലൂടെ തന്നെ ആരാധകരെ സൃഷ്ടിച്ചെടുക്കാൻ കല്യാണിയ്ക്ക് സാധിച്ചിട്ടുണ്ട്. സാമൂഹ്യമാദ്ധ്യമങ്ങളിലും നിറ സാന്നിധ്യമാണ് കല്യാണി പ്രിയദർശൻ. അടുത്തിടെ താൻ അഭിനയിച്ച ചിത്രങ്ങളിൽ അച്ഛനും അമ്മയ്ക്കും ഇഷ്ടപെട്ട കഥാപാത്രങ്ങളെ കുറിച്ച് പങ്കുവെച്ച കാര്യങ്ങളാണ് സാമൂഹ്യമാദ്ധ്യമങ്ങളിൽ ശ്രദ്ധേയമാകുന്നത്.
താൻ അഭിനയിച്ച ചിത്രങ്ങളെ കുറിച്ച് വീട്ടിൽ അങ്ങനെ സംസാരിക്കാറില്ല. ബ്രോ ഡാഡിയിലെ അന്നയെയാണ് ഞാൻ ചെയ്ത കഥാപാത്രങ്ങളിൽ അച്ഛന് ഏറെ ഇഷ്ടമുള്ളത്. അമ്മയ്ക്ക് തല്ലുമാലയിലെ ബിപാത്തു എന്ന കഥാപാത്രവും വളരെയധികം ഇഷ്ടമാണ്. വരനെ ആവശ്യമുണ്ട് എന്ന ചിത്രം അച്ഛൻ കാണുന്നത് റിലീസ് ചെയ്ത് മൂന്നാഴ്ച കഴിഞ്ഞാണ്. കാരണം സിനിമ ഞങ്ങളുടെ ചർച്ചാവിഷയമല്ല. പൊതുവായുള്ള കാര്യങ്ങളാണ് ഞങ്ങൾ എപ്പോഴും സംസാരിക്കുന്നത്.
അമ്മയ്ക്ക് തല്ലുമാലയിലെ ബിപാത്തുവിനെയാണ് ഒരുപാടിഷ്ടം. കാരണം അമ്മയ്ക്കറിയാം ഞാൻ അങ്ങനെയല്ലെന്ന്. അമ്മ അത് കണ്ടപ്പോൾ തന്നെ,ഹോ എന്റെ കൊച്ചിന് അഭിനയിക്കാൻ അറിയാം എന്നാണ് പറഞ്ഞത്. കാരണം യഥാർത്ഥ ജീവിതത്തിൽ ഞാൻ എങ്ങനെയാണെന്ന് അമ്മയ്ക്ക് നന്നായി അറിയാമെന്നും കല്യാണി പറയുന്നു.