രാജ്യമെങ്ങും ദീപാവലി ആഘോഷത്തിന്റെ തിരക്കിലാണ്. നാനാജാതി മതസ്ഥർ ഐക്യത്തോടെയും സന്തോഷത്തോടെയും ഈ ഉത്സവം കൊണ്ടാടുമ്പോൾ മണൽത്തരികളിൽ മറ്റൊരു വിസ്മയം തീർത്തിരിക്കുകയാണ് പ്രശസ്ത സാന്റ് ആർട്ടിസ്റ്റ് സുദർശൻ പട്നായിക്.
ഒഡിഷയിലെ പുരി ബീച്ചിൽ ‘ഹാപ്പി ദീപാവലി’ എന്ന സന്ദേശവുമായി ശ്രീരാമ ഭഗവാന്റെ വർണ്ണാഭമായ മണൽ ശിൽപം അദ്ദേഹം നിർമ്മിച്ചിരിക്കുകയാണ്. കയ്യിൽ ദീപമേന്തി സൂര്യതേജസ്സോടെ നിൽക്കുന്ന ശ്രീരാമ ഭഗവാന്റെ ചിത്രങ്ങൾ സുദർശൻ സമൂഹ മാദ്ധ്യമങ്ങളിൽ പങ്കുവച്ചതോടെ നിരവധി പേരാണ് കലാകാരനെ അഭിനന്ദിച്ച് രംഗത്തെത്തിയത്. ഇതിനു മുമ്പും സുദർശന്റെ നിരവധി മണൽ ശിൽപങ്ങൾ സമൂഹ മാദ്ധ്യമങ്ങളിൽ വൈറലായിരുന്നു.
#HappyDeepavali 🪔
On the occasion of #Deepavali I have created a sand art on Prabhu #ShriRam at Puri beach in Odisha. pic.twitter.com/wxxzfOJ03v— Sudarsan Pattnaik (@sudarsansand) November 11, 2023
“>
അതേസമയം ലങ്ക കീഴടക്കി വിജയശ്രീ ലാളിതനായി ശ്രീരാമ ഭഗവാൻ അയോദ്ധ്യയിലെത്തിയ ദിനം രാജ്യമെമ്പാടുമുള്ള ജനങ്ങൾ ദീപം കൊളുത്തി സ്വീകരിക്കുകയാണ്. സരയൂ നദി തീരത്ത് 22 ലക്ഷത്തിലധികം പരമ്പരാഗത മൺവിളക്കുകൾ ഒരേസമയം തെളിച്ചത് ലോക റെക്കോർഡിലേക്കും വഴിവച്ചു.
