‘ലുക്കിംഗ് ലൈക്ക് എ വൗ’; ബ്രഹ്‌മപുത്ര നദിയ്‌ക്ക് കുറുകെ അത്ഭുതമായി കോലിയ ഭോമോര സേതു; ചിത്രങ്ങൾ പങ്കുവച്ച് ഹിമന്ത ബിശ്വ ശർമ്മ

മനുഷ്യന് സാധിക്കാത്തതായി ഒന്നുമില്ലെന്ന് നാം പറയാറുണ്ട്. ചില വിസ്മയങ്ങൾ കാണുമ്പോൾ അത് സത്യമാണെന്ന് ഉറപ്പിക്കാറുമുണ്ട്. അത്തരത്തിൽ മനുഷ്യ നിർമ്മിതിയാൽ വിസ്മയം തീർത്ത ഒരു പാലമാണ് ഇപ്പോൾ സമൂഹമാദ്ധ്യമങ്ങളിൽ ഇടം നേടുന്നത്. ഒരു പാലമല്ലേ ഇതിനെന്തു പ്രത്യേകത എന്നു ചിന്തിക്കാൻ വരട്ടെ. ഇത് വെറുമൊരു പാലമല്ല ‘ ജസ്റ്റ് ലുക്കിംഗ് ലൈക്ക് എ വൗ’, അത്തരത്തിലൊരു പാലമാണ്.

വടക്കു കിഴക്കൻ സംസ്ഥാനമായ അസമിലെ തേജ്പൂർ നഗരത്തിലെ കോലിയ ഭോമോര സേതു പാലമാണ് സമൂഹമാദ്ധ്യമങ്ങളിലെ ട്രെൻഡിംഗിൽ ഇടം നേടിയിരിക്കുന്നത്. ബ്രഹ്‌മപുത്ര നദിക്ക് മുകളിലൂടെ നിർമ്മിച്ച ഈ പാലം സോനിത്പൂർ ജില്ലയെ നാഗൈനുമായാണ് ബന്ധിപ്പിക്കുന്നത്. 6 വർഷത്തെ നീണ്ട പരിശ്രമത്തിനൊടുവിലാണ് 3015 മീറ്ററിലധികമുള്ള ഈ അത്ഭുത പാലത്തിന്റെ നിർമ്മാണം പൂർത്തീകരിച്ചത്. ആരെയും വിസ്മയിപ്പിക്കുന്ന ഈ പാലത്തിന്റെ ചിത്രങ്ങൾ അസാം മുഖ്യമന്ത്രി ഹിമന്ത ബിശ്വശർമ്മ സമൂഹമാദ്ധ്യമത്തിലൂടെ പങ്കുവച്ചതോടെ ലോകമെമ്പാടുമുള്ള ജനങ്ങളെയാണ് ഇപ്പോൾ പാലം ആകർഷിക്കുന്നത്.

” മനോഹരം, അതി ഗംഭീരം ജസ്റ്റ് ലുക്കിംഗ് ലൈക്ക് എ വൗ. തേജ്പൂരിലെ കോലിയ ഭോമോര സേതു പാലത്തിന്റെ ചിത്രങ്ങളാണിവ. ഈ പാലത്തിലൂടെ സഞ്ചരിക്കുമ്പോൾ ഹിമാലയ പർവ്വതങ്ങൾ തെളിഞ്ഞു കാണുന്നു. വായുമലിന രഹിതമായ അന്തരീക്ഷമായതിനാൽ എല്ലാ കാഴ്ചകളും വ്യക്തമായി കാണാം. അരുണാചൽപ്രദേശ്- ടിബറ്റ് അതിർത്തിയിലാണ് ഇത് സ്ഥിതിചെയ്യുന്നത്.”- ഹിമന്ത ബഹിശ്വശർമ്മ കുറിച്ചു.

What a majestic view!

The mighty Himalayas visible on a winter morning from Kolia Bhomora Setu,Tezpur.

Low AQI & a pollution-free environment enable this crystal clear view, captured by Gautam Deka, of the magnificent mountain range located near the Arunachal-Tibet border. pic.twitter.com/I5zWkoSRN5

— Himanta Biswa Sarma (@himantabiswa) November 12, 2023

“>

അസാമീസ് ജനറലായിരുന്ന കോലിയ ഭോമോര ഫുകിന്റെ പേരിലാണ് പാലം അറിയപ്പെടുന്നത്. ഈ പാലം ഏഴ് വടക്കുകിഴക്കൻ സംസ്ഥാനങ്ങളെ രാജ്യത്തിന്റെ മറ്റ് ഭാഗങ്ങളുമായി ബന്ധിപ്പിക്കാൻ പ്രധാന പങ്ക് വഹിക്കുന്നു.