ലോകകപ്പിന്റെ ആവേശത്തിലാണ് ലോകമെമ്പാടുമുള്ള ആരാധകർ. ഇതിനിടെ ഇന്ത്യയിലെത്തിയ മുൻ ഇംഗ്ലണ്ട് താരത്തിന്റെ ചില കൗതുക ചിത്രങ്ങളും വീഡിയോയും സമൂഹമാദ്ധ്യമങ്ങളിൽ വൈറലായി.
മുൻ ഇംഗ്ലണ്ട് ക്യാപ്റ്റൻ മൈക്കൽ വോണിന്റെ മുഖം മിനുക്കൽ വീഡിയോയും ചിത്രങ്ങളുമാണ് ആരാധകരുടെ ശ്രദ്ധയാകർഷിച്ചത്. അതിനുകാരണവുമുണ്ട്. താരം മുഖം മിനുക്കിയത് ബ്യൂട്ടി പാർലറിലോ സലൂണിലോ അല്ലായിരുന്നു. തെരുവിൽ ജോലി ചെയ്യുന്ന ബാർബറെ കൊണ്ടാണ് ഷേവ് ചെയ്യിപ്പിച്ചത്. ഇതിന്റെ വീഡിയോകളാണ് വൈറലായത്.
” തിങ്കളാഴ്ച ഷേവിംഗ് ദിവസമാണ്. മുംബൈയിലെ ഓർമിൻസ്റ്റൺ റോഡിൽ നിന്നും എന്റെ നല്ല സുഹൃത്ത് ദിൻഞ്ചയാലിനൊപ്പം”, എന്ന അടിക്കുറിപ്പോടെയാണ് താരം ദൃശ്യങ്ങൾ പങ്കുവച്ചിരിക്കുന്നത്. ഷേവ് ചെയ്യുമ്പോൾ വളരെ ശാന്തതയോടെയും സമാധാനത്തോടെയും വോൺ ഇരിക്കുന്നതും നമുക്ക് കാണാം.
Monday is shaving day on the Orminston Road with my good friend Dinjayal .. #Mumbai pic.twitter.com/HaEjq8RLXY
— Michael Vaughan (@MichaelVaughan) November 13, 2023
“>
ദീപാവലിക്ക് മുമ്പാണ് മുംബൈയിലെ തെരുവിൽ നിന്നും അദ്ദേഹം ഷേവ് ചെയ്തത്. ഇതിനുമുമ്പും ഇതേ ബാർബറെ കൊണ്ടു തന്നെ ഷേവ് ചെയ്യിപ്പിച്ചിരുന്നു. ദൃശ്യങ്ങൾ വോൺ പങ്കുവച്ചതോടെ നിമിഷനേരം കൊണ്ടാണ് ഇവ വൈറലായത്. നിരവധി പേർ വോണിന്റെ പ്രവൃത്തിയെ അഭിനന്ദിച്ച് രംഗത്തെത്തി. പ്രൊഫഷണൽ സലൂണുകൾ മാത്രമേ നല്ല രീതിയിൽ ഇത്തരം പ്രവൃത്തികൾ ചെയ്യുകുയുള്ളൂ എന്ന മിഥ്യാധാരണ ഇതിലൂടെ വോൺ തിരിത്തി കുറിച്ചതെന്ന തരത്തിലുള്ള നിരവധി അഭിപ്രായങ്ങളാണ് ഉയരുന്നത്.
