‘നിങ്ങൾ ഞങ്ങൾക്ക് പ്രചോദനം’; കാർത്തിക് സുബ്ബരാജനെയും ജിഗർതണ്ടയെയും പ്രശംസിച്ച് വിഘ്നേഷ് ശിവൻ

തെന്നിന്ത്യൻ സിനിമാ ലോകം ഏറെ പ്രതീക്ഷയോടെ കാത്തിരുന്ന ചിത്രമാണ് ജിഗർതണ്ട ഡബിൾ എക്‌സ്. ദീപാവലി റിലീസായ ചിത്രം മികച്ച പ്രതികരണങ്ങളോടെ തീയേറ്ററുകളിൽ പ്രദർശനം തുടരുകയാണ് . കാർത്തിക് സുബ്ബരാജിന്റെ സംവിധാനത്തിൽ ഒരുങ്ങിയ ചിത്രത്തിൽ രാഘവ ലോറൻസും എസ്‌ജെ സൂര്യയുമാണ് പ്രധാനവേഷത്തിൽ എത്തുന്നത്. വ്യത്യസ്തമായ മേക്കോവറിലാണ് ചിത്രത്തിൽ താരങ്ങൾ പ്രത്യക്ഷപ്പെടുന്നത്.

സിനിമാ മേഖലയിൽ നിന്നും നിരവധി പേരാണ് ചിത്രത്തെ പ്രശംസിച്ചുകൊണ്ട് എത്തിയത്. ഇപ്പോഴിതാ സംവിധായകൻ വിഘ്‌നേഷ് ശിവനും ചിത്രത്തെ പ്രശംസിച്ചുകൊണ്ട് രംഗത്ത് എത്തിയിരിക്കുകയാണ്

‘കാർത്തിക് സുബ്ബരാജിന്റെ അതിഗംഭീരമായ ആർട്ട് വർക്ക്. ജീനിയസ് സിനിമാറ്റോഗ്രാഫർ തിരു സാർ, എല്ലാ കാലവും മികച്ച അഭിന്ദനം നേടുന്ന കലാസൃഷ്ടിയാണ് അവർ ചെയ്തിരിക്കുന്നത്. രാഘവാ ലോറൻസ്, അദ്ദേഹത്തിന്റെ മികച്ച വർക്കിൽ ഒന്നാണിത്. എസ്‌ജെ സൂര്യക്ക് വേണ്ടി എഴുതിയ മികച്ച കഥാപാത്രങ്ങളിൽ ഒന്ന്, എന്നും പ്രേക്ഷകരുടെമനസ്സിൽ നിലനിൽക്കുന്ന കഥാപാത്രം. പ്രേക്ഷകരെ പിടിച്ചിരുത്താൻ കഴിയുന്ന സംഗീതമാണ് സിനിമയിലുടനീളമുള്ളത്.’ വിഘ്‌നേഷ് എക്‌സിൽ കുറിച്ചു. കൂടാതെ കാർത്തിക് സുബ്ബരാജ് എപ്പോഴും തങ്ങൾക്ക് പ്രചോദനമാണെന്നും അദ്ദേഹം പറഞ്ഞു.

കാർത്തിക് സുബ്ബരാജ് സംവിധാനവും തിരക്കഥയും നിർവഹിക്കുന്ന ചിത്രത്തിൽ നിമിഷ സജയനാണ് നായിക. കാർത്തികേയൻ സന്തനം, എസ് കതിരേശൻ അലങ്കാര പാണ്ഡ്യൻ എന്നിവർ ചേർന്നാണ് ചിത്രം നിർമ്മിക്കുന്നത്.

What a stunning piece of ART from @karthiksubbaraj ! The finesse in his film making has peaked in Jigarthanda double X ! The conviction in writing , the efforts in the execution with a genius Cinematographer in Thiru sir ! What they have pulled off is highly appreciable and is… pic.twitter.com/ZbfZrGvPfT

— VigneshShivan (@VigneshShivN) November 13, 2023

“>