ശബരിമല തീർത്ഥാടകരെ പിഴിയാമെന്ന് വിചാരിക്കേണ്ട; മധുരമില്ലാത്ത കാപ്പിക്ക് ഉൾപ്പെടെയുള്ള വില വിവരം പുറത്തുവിട്ടു; ശ്രദ്ധിക്കാം ഇക്കാര്യങ്ങൾ

കോട്ടയം: മണ്ഡലകാലത്തോടനുബന്ധിച്ച് ശബരിമല തീർത്ഥാടകർക്കുള്ള വെജിറ്റേറിയൻ ഭക്ഷണ പദാർത്ഥങ്ങളുടെ വില നിശ്ചയിച്ചു. തീർത്ഥാടകരിൽ നിന്ന് നിശ്ചയിച്ച വിലയേക്കാൾ അധിക വില ഈടാക്കുന്ന ഹോട്ടലുകൾക്കെതിരെ കർശന നടപടി സ്വീകരിക്കും. എരുമേലിയിലെയും മറ്റു പ്രധാന ഇടത്താവളങ്ങളിലെയും വെജിറ്റേറിയൻ ഹോട്ടലുകളിൽ വിലവിവര പട്ടിക പ്രദർശിപ്പിക്കും. അഡീഷണൽ ജില്ലാ മജിസ്ട്രേറ്റ് ജി. നിർമ്മൽകുമാറിന്റെ അധ്യക്ഷതയിൽ ചേർന്ന കേരള ഹോട്ടൽ ആൻഡ് റെസ്റ്റോറന്റ് ഭാരവാഹികളുടെ യോഗത്തിലാണ് തീരുമാനം.

ഹോട്ടലുകളും മറ്റ് ഭക്ഷണവിതരണ കേന്ദ്രങ്ങളിലും സംയുക്ത പരിശോധന നടത്തും. ഇതിനായി പ്രത്യേക സ്ക്വാഡിനെ രൂപീകരിച്ചിട്ടുണ്ട്. ശബരിമല തീർത്ഥാടനത്തിന്റെ സുഗമമായ നടത്തിപ്പിനും അമിത വില ഈടാക്കുന്നത് തടയുന്നതിന്റെ ഭാഗമായും ഭക്ഷ്യവസ്തുക്കളുടെ ഗുണനിലവാരം, അളവ് തൂക്കം എന്നിവ ഉറപ്പു വരുത്തുന്നതിന്റെ ഭാഗമായുമാകും പരിശോധന. ജില്ലാ കളക്ടറുടെ നേതൃത്വത്തിൽ വിവിധ വകുപ്പുകളെ ഏകോപിപ്പിച്ചാകും പരിശോധന.

ഭക്ഷണം സംബന്ധിച്ച് ഏതെങ്കിലും തരത്തിലുള്ള പരാതികളുണ്ടെങ്കിൽ ജില്ലാ സിവിൽ സപ്ലൈ ഓഫീസ്- 0481 2560371, ജില്ലാ ഭക്ഷ്യസുരക്ഷ ഓഫീസ് – 0481 2564677, ജില്ലാ ലീഗൽ മെട്രോളജി ഓഫീസ്- 0481 2582998 എന്നീ നമ്പറുകളിൽ പരാതി നൽകാവുന്നതാണ്.

വില വിവരം ഇങ്ങനെ.. 

1. കുത്തരി ഊണ് (എട്ട് കൂട്ടം) സോർട്ടെക്സ് റൈസ്- 70 രൂപ
2.. ആന്ധ്രാ ഊണ് (പൊന്നിയരി)- 70
3. കഞ്ഞി (അച്ചാറും പയറും ഉൾപ്പെടെ) (750മി.ലി.)- 35
4. ചായ (150 മി.ലി.) -12
5. മധുരമില്ലാത്ത ചായ (150 മി.ലി.)- 10
6. കാപ്പി  (150 മി.ലി.)- 10
7. മധുരമില്ലാത്ത കാപ്പി (150 മി.ലി.)- 10
8. ബ്രൂ കോഫി/നെസ് കോഫി (150 മി.ലി.-) 15
9. കട്ടൻ കാപ്പി  (150 മി.ലി.)- 9
10. മധുരമില്ലാത്ത കട്ടൻകാപ്പി (150 മി.ലി.)- 7
11. കട്ടൻചായ (150 മി.ലി.)- 9
12. മധുരമില്ലാത്ത കട്ടൻചായ(150 മി.ലി)- 7
13. ഇടിയപ്പം (ഒരെണ്ണം) 50 ഗ്രാം- 10
14. ദോശ (ഒരെണ്ണം) 50 ഗ്രാം- 10
15. ഇഡ്ഢലി (ഒരെണ്ണം) 50 ഗ്രാം- 10
16. പാലപ്പം (ഒരെണ്ണം) 50 ഗ്രാം- 10
17. ചപ്പാത്തി (രെണ്ണം) 50 ഗ്രാം- 10
18. ചപ്പാത്തി (50 ഗ്രാം വീതം) (3 എണ്ണം) കുറുമ ഉൾപ്പെടെ- 60
19. പൊറോട്ട (ഒരെണ്ണം) 50 ഗ്രാം- 12
20. നെയ്റോസ്റ്റ് (175 ഗ്രാം)- 46
21. പ്ലെയിൻ റോസ്റ്റ്- 35
22. മസാലദോശ ( 175 ഗ്രാം)- 50
23. പൂരിമസാല  (50 ഗ്രാം വീതം 2 എണ്ണം)- 36
24. മിക്സഡ് വെജിറ്റബിൾ- 30
25. പരിപ്പുവട (60 ഗ്രാം)- 10
26. ഉഴുന്നുവട (60 ഗ്രാം)- 10
27. കടലക്കറി (100 ഗ്രാം)- 30
28. ഗ്രീൻപീസ് കറി  (100 ഗ്രാം)- 30
29. കിഴങ്ങ് കറി (100 ഗ്രാം)- 30
30. തൈര് (1 കപ്പ് 100 മി.ലി.)- 15
31. കപ്പ (250 ഗ്രാം)- 30
32. ബോണ്ട (50 ഗ്രാം)- 10
33. ഉള്ളിവട (60 ഗ്രാം)- 10
34. ഏത്തയ്‌ക്കാപ്പം (75 ഗ്രാം- പകുതി)- 12
35. തൈര് സാദം (മുന്തിയ വെജിറ്റേറിയൻ ഹോട്ടലുകളിൽ മാത്രം)- 47
36. ലെമൺ റൈസ് (മുന്തിയ വെജിറ്റേറിയൻ ഹോട്ടലുകളിൽ മാത്രം)- 44
37. മെഷീൻ ചായ  (90 മി.ലി.)- 8
38. മെഷീൻ കോഫി  (90 മി.ലി.)- 10
39. മെഷീൻ മസാല ചായ  (90 മി.ലി.)- 15
40. മെഷീൻ ലെമൺ ടീ  (90 മി.ലി.)- 15
41. മെഷീൻ ഫ്‌ളേവേഡ് ഐസ് ടീ  (200 മി.ലി) -20