ഒരു കാലത്തെ മലയാള സിനിമാരംഗത്ത് നായികാ പട്ടികയിൽ മുന്നിലുണ്ടായിരുന്ന നടിയാണ് ലിസി. വേറിട്ട ഒട്ടനവധി കഥാപാത്രങ്ങളിലൂടെ ആരാധകരെ സ്വന്തമാക്കിയ താരത്തിന് ഇന്നും മലയാളികളുടെ മനസിൽ ആരാധന ഏറെയാണ്. ‘ഇത്തിരി നേരം ഒത്തിരി നേരം’ എന്ന സിനിമയിലൂടെയാണ് ലിസി മലയാള ചലചിത്ര രംഗത്ത് അരങ്ങേറ്റം കുറിച്ചത്. ‘ചിത്രം’ സിനിമയിൽ മോഹൻലാലിനൊപ്പമുള്ള ലിസിയുടെ പ്രകടനവും, ആ കഥാപാത്രവും ഇന്നും മലയാളികൾ ഓർക്കുന്നു.
നിരവധി സിനിമകളിലൂടെ മലയാള സിനിമാ ലോകത്ത് തന്റേതായ സ്ഥാനം നേടിയെടുക്കാൻ ലിസിയ്‌ക്ക് കഴിഞ്ഞിട്ടുണ്ട്. ഇപ്പോഴിതാ ലിസിയെ കുറിച്ച് മകൾ കല്യാണി പ്രിയദർശൻ പങ്കുവെയ്‌ക്കുന്ന കാര്യങ്ങളാണ് സമൂഹമാദ്ധ്യമങ്ങളിൽ ശ്രദ്ധേയമാകുന്നത്.
അഭിനയിക്കണമെന്ന് അമ്മ പറയാറില്ല. പക്ഷേ നല്ലൊരു കഥ ലഭിച്ചാൽ അമ്മ തീർച്ചയായും ചെയ്യും. നല്ല കഥാപാത്രവും നല്ല സ്‌ക്രിപ്റ്റും വന്നാൽ അമ്മ തീർച്ചയായും ചെയ്യുമെന്ന് എനിക്കറിയാം. അമ്മയോടൊപ്പം മകൾ റോൾ ചെയ്താൽ ആരും വിശ്വസിക്കില്ല. കാരണം അമ്മയെ കണ്ടാൽ എന്റെ സഹോദരിയാണെന്ന് തെറ്റിദ്ധരിക്കും. കല്യാണി പ്രിയദർശൻ പറഞ്ഞു.
