ചന്ദ്രയാൻ-3യുടെ ചരിത്ര വിജയത്തിന് പിന്നാലെ കൂടുതൽ ദൗത്യങ്ങൾക്ക് വേണ്ടി സജ്ജമാകുകയാണ് ഐഎസ്ആർഒ. ഭാവിയിൽ ചന്ദ്രനിലേക്കും മറ്റ് ഗ്രഹങ്ങളിലേക്കും കൂടുതൽ റോബോട്ടിക് പര്യവേഷണ ദൗത്യങ്ങൾക്ക് വേണ്ടിയാണ് ഐഎസ്ആർഒ തയാറെടുക്കുന്നത്. ഇതിൽ പങ്കാളികളാകുന്നതിന് റോബോട്ടിക്സിൽ താത്പര്യമുള്ള യുവാക്കളെ ക്ഷണിച്ചിരിക്കുകയാണ് ബഹിരാകാശ ഏജൻസി.
യുആർ റാവു സാറ്റലൈറ്റ് സെന്ററാണ് ബഹിരാകാശ റോബോട്ടിക്സിൽ അവസരങ്ങൾ ഒരുക്കുക എന്ന ലക്ഷ്യത്തോടെ ബഹിരാകാശ റോബോട്ടിക്സ് ചലഞ്ച് നടത്തുന്നത്. നമുക്ക് ഒരു ബഹിരാകാശ റോബോട്ട് നിർമിക്കാം എന്ന ടാഗ്ലൈനോട് കൂടിയാണ് ഇസ്രോ റോബോട്ടിക്സ് ചലഞ്ച്-URSC 2024 (IRoC-U 2024) സംഘടിപ്പിക്കുന്നത്.
ബഹിരാകാശ റോബോട്ടിക്സ് അഭിമുഖീകരിക്കുന്ന യഥാർത്ഥ വെല്ലുവിളികളെ അടിസ്ഥാനമാക്കിയുള്ള ടാസ്കുകൾ നിർവഹിക്കുന്ന റോബോട്ടുകളെ നിർമ്മിക്കുന്ന ഒരു എഞ്ചിനീയറിംഗ് പ്രോജക്ട് ആകും ചെയ്യേണ്ടതായി വരിക. നവംബർ 20 മുതൽ രജിസ്ട്രേഷൻ ആരംഭിക്കും.
