പുറത്താക്കിയ ബാബറിന് പകരം ഇവര്‍..! പാകിസ്താന് പുതിയ ക്യാപ്റ്റന്മാര്‍

ബാബര്‍ അസമിന് പകരം പുതിയ ക്യാപ്റ്റന്മാരെ പ്രഖ്യാപിച്ച് പാകിസ്താന്‍ ക്രിക്കറ്റ് ബോര്‍ഡ്. നിലവില്‍ ടെസ്റ്റ് ടി20 നായകന്മാരെയാണ് പ്രഖ്യാപിച്ചത്. ഷാന്‍ മസൂദ് ടെസ്റ്റ് ടീമിനെ നയിക്കുമ്പോള്‍ ടി20 നയിക്കാന്‍ അവസരം നല്‍കുന്നത് ഷഹീന്‍ ഷാ അഫ്രീദിക്കാണ്.അതേസമയം ഏകദിനത്തില്‍ ആരാകും നായകനെന്ന് പ്രഖ്യാപനമൊന്നും ഉണ്ടായിട്ടില്ല. മറ്റൊരു താരത്തെ പരിഗണിക്കുമോ അതോ ഇതിലൊരു താരത്തിനെ ഏകദിനത്തിലെ ക്യാപ്റ്റനാക്കുമോ എന്നകാര്യവും വ്യക്തമല്ല.

നായക സ്ഥാനം നല്‍കിയതിന് പിസിബിക്ക് മസൂദ് നന്ദി പറഞ്ഞു. 2023-25 ലോക ടെസ്റ്റ് ചാമ്പ്യന്‍ഷിപ്പ് വരെയാകും താരത്തിന്റെ കലാവധി. ഓസ്‌ട്രേലിയക്കെതിരെ ഡിസംബറില്‍ ആരംഭിക്കുന്ന മൂന്ന് മത്സരങ്ങളുടെ പരമ്പരയാകും മസൂദിന്റെ ആദ്യ വെല്ലുവിളി.

ന്യൂസിലന്‍ഡിനെതിരെ ജനുവരിയില്‍ ആരംഭിക്കുന്ന അഞ്ചു മത്സരങ്ങളുടെ ടി20 പരമ്പരയിലാകും അഫ്രീദി ചുമതലയേറ്റെടുക്കുക.ലോകകപ്പില്‍ ദയനീയ പുറത്താകലിന് പിന്നാലെ ബാബര്‍ അസം മൂന്ന് ഫോര്‍മാറ്റില്‍ നിന്നും ഇന്നലെ രാജി പ്രഖ്യാപിച്ചിരുന്നു. ഇതിന് തൊട്ടുപിന്നാലെയാണ് പുതിയ ക്യാപ്റ്റന്മാരെ തിരഞ്ഞെടുത്തത്. എന്നാല്‍ ബാബറിനെ പുറത്താക്കിയതാണെന്ന ആരോപണവും ആരാധകര്‍ ഉയര്‍ത്തുന്നുണ്ട്.

Presenting our captains 🇵🇰@shani_official has been appointed Test captain while @iShaheenAfridi will lead the T20I side. pic.twitter.com/wPSebUB60m

— Pakistan Cricket (@TheRealPCB) November 15, 2023

“>