പത്തനംതിട്ട: ട്രാൻസ്പോർട്ട് കമ്മിഷണർ എഡിജിപി എസ് ശ്രീജിത്തിന്റെ വാഹനം ഇടിച്ച് ഒരാൾക്ക് പരിക്ക്. പത്മകുമാർ എന്നയാൾക്കാണ് പരിക്കേറ്റത്. എം സി റോഡിൽ അടൂർ പറന്തലിൽ വെച്ചാണ് അപകടം സംഭവിച്ചത്.
ലോറിക്ക് പിന്നിലൂടെ റോഡ് മുറിച്ച് കടന്ന പത്മകുമാറിനെ എഡിജിപിയുടെ വാഹനം ഇടിക്കുകയായിരുന്നു. അപകടം സംഭവിച്ച ഉടൻ, എഡിജിപി തന്നെ ഇയാളെ ആശുപത്രിയിൽ പ്രവേശിപ്പിച്ചു.
