എഐ ചിപ്പുകൾ ഉൾപ്പെടെ എഐ ഫീച്ചറുകളുമായി മൈക്രോസോഫ്റ്റ്. വാർഷിക ഡെവലപർ കോൺഫറൻസായ ഇഗ്നൈറ്റ് 2023 ൽ വച്ചാണ് കമ്പനിയുടെ പുതിയ പ്രഖ്യാപനം.
ഓപ്പൺ എഐയുമായി കൂടിച്ചേർന്ന് കൂടുതൽ മികച്ച രീതിയിൽ പ്രവർത്തനം കൊണ്ട് വരുന്നതിനായിട്ടാണ് കമ്പനി ശ്രമിക്കുന്നത്. ഇതിനായി പുതിയ എഐ ചിപ്പുകളും കൂടുതൽ ഫീച്ചറുകളുമാണ് പ്രഖ്യാപിച്ചത്. ആദ്യ എഐ ചിപ്പായ ‘Microsoft Azure Maia AI’ യാണ് കമ്പനി വികസിപ്പിച്ചത്. ചാറ്റ് ജിപിടി, ബിങ്, ഗിറ്റ്ഹബ്ബ് കോപൈലറ്റ് എന്നീ എഐ സംവിധാനങ്ങൾക്കുള്ള ആക്സിലേറ്റർ ചിപ്പാണിത്.
കൂടാതെ എഐ അടിസ്ഥാനമായി പ്രവർത്തിക്കുന്ന കോപൈലറ്റ് സംവിധാനം മൈക്രോസോഫ്റ്റ് 365 ഉൾപ്പെടെയുള്ളവയിൽ ലഭ്യമാക്കും. മൈക്രോസോഫ്റ്റ് 365 എന്റർപ്രെസ് ഉപയോഗിക്കുന്നവർക്ക് നവംബർ മുതൽ കോപൈലറ്റ് ലഭ്യമാണ്.
മൈക്രോസോഫ്റ്റ് അഷ്വർ കോബാൾട്ട് ചിപ്പും മൈക്രോസോഫ്റ്റ് അവതരിപ്പിച്ചു. മൈക്രോ സോഫ്റ്റ് ഡാറ്റാ സെന്ററുകളിൽ കോ പൈലറ്റ്, അഷ്വർ ഓപ്പൺ എഐ സേവങ്ങൾക്കാണ് ഈ ചിപ്പ് ഉപയോഗിക്കുക. എആർഎം ആർകിടെക്ചറിൽ നിർമ്മിച്ച ക്ലൗഡ് നേറ്റീവ് ചിപ്പാണിത്.
അതോടൊപ്പം തന്നെ കമ്പനിയുടെ വീഡിയോ കോൺഫറൻസിങ് സേവനമായ മൈക്രോസോഫ്റ്റ് ടീംസിൽ പുതിയ യുഐ ഉൾപ്പെടുത്തുകയും ചെയ്തു. പോർട്രയിറ്റ് ബ്ലർ, കൊളാബറേറ്റീവ് നോട്ട്സ് ഓപ്ഷൻ, തത്സമയ തർജ്ജമ എന്നിവയെല്ലാം ഉൾപ്പെടുത്തിയാണ് ടീംസ് അപ്ഗ്രേഡ് ചെയ്തിട്ടുള്ളത്.
We are announcing new innovations across our datacenter fleet, including the latest AI optimized silicon from our industry partners and two new Microsoft-designed chips. #MSIgnite https://t.co/5488N3pkKG pic.twitter.com/XeO0PDHAiR
— Microsoft (@Microsoft) November 15, 2023
“>