സമൂഹമാദ്ധ്യമങ്ങളിൽ തരംഗമായി ഇന്ത്യൻ ക്രിക്കറ്റ് ടീം നായകൻ രോഹിത് ശർമ്മയുടെ ജീവചരിത്രം ഉൾക്കൊപ്പെടുത്തി സ്‌കൂൾ പാഠപുസ്തകം. എട്ടാം ക്ലാസ് വിദ്യാർത്ഥികളുടെ ജനറൽ നോളജ് പാഠപുസ്തകത്തിലാണ് രോഹിത് ശർമ്മയുടെ ജീവിതം പഠിക്കാനുള്ളത്. ഏത് സിലബസിലുള്ള പുസ്തകമാണ് ഇത് എന്നതിനെ പറ്റി സ്ഥിരീകരണമില്ല. രോഹിത് ശർമ്മയുടെ ചെറിയ ജീവചരിത്രവും ജീവിത സാഹചര്യങ്ങളും കരിയറിനെ കുറിച്ചുമെല്ലാംപുസ്തകത്തിൽ പരിചയപ്പെടുത്തുന്നുണ്ട്. ഇംഗ്ലീഷിലുളള പാഠഭാഗം എക്‌സിൽ പങ്കുവച്ചത് മുഫദൽ വൊഹ്‌റയെന്ന ഇൻഫ്‌ളുവൻസറാണ്. നാളെ ഏകദിന ലോകകപ്പ് നടക്കാനിരിക്കെയാണ് ചിത്രം സമൂഹമാദ്ധ്യമങ്ങശളിൽ വൈറലായിരിക്കുന്നത്.
1987 ഏപ്രിൽ 30ന് ജനിച്ച രോഹിത് തുടക്കകാലത്ത് ഓഫ് സ്പിന്നറായാണ് കളി തുടങ്ങിയത്. എന്നാൽ, ദിനേഷ് ലാഡ് എന്ന കോച്ചാണ് താരത്തെ ബാറ്റിംഗിലേക്ക് വഴി തിരിച്ച് വിട്ടത്. സ്‌കൂൾ ഫീസടയ്‌ക്കാൻ താരത്തിന്റെ മാതാപിതാക്കൾ ബുദ്ധിമുട്ടിയിരുന്നപ്പോൾ,ക്രിക്കറ്റിലെ മികവ് പരിഗണിച്ച് സ്‌കൂൾ അധികൃതർ അദ്ദേഹത്തിന് സ്‌കോളർഷിപ്പ് നൽകിയിരുന്നു. 2006-2007 സീസണിലെ സയ്യിദ് മുഷ്താഖലി ടി20 ടൂർണമെന്റിൽ സെഞ്ച്വറി നേടിയ ആദ്യത്തെ താരമായിരുന്നു രോഹിത് ശർമ്മ. ഈഡൻ ഗാർഡൻസിൽ ശ്രീലങ്കക്കെതിരെയുള്ള നാലാമത്തെ ഏകദിന മത്സരത്തിൽ രോഹിത് ശർമ്മ നേടിയ 264 റൺസാണ് ഏകദിന മത്സരങ്ങളിലെ ഏറ്റവും ഉയർന്ന വ്യക്തിഗത സ്‌കോറെന്നും പുസ്തകത്തിൽ പറയുന്നു.
