ലക്നൗ: ഏകദിന ക്രിക്കറ്റ് ലോകകപ്പിൽ ടീം ഇന്ത്യ കപ്പുയർത്തുന്നതിന് വാരാണസിയിൽ പ്രത്യേക പ്രാർത്ഥന നടത്തി ആരാധകർ. ക്രിക്കറ്റ് താരങ്ങളുടെ ചിത്രങ്ങളുമായാണ് ആരാധകർ വാരാണസിയിൽ പ്രാർത്ഥനയ്ക്കെത്തിയത്. ഇന്ത്യൻ പതാകയോടൊപ്പം രോഹിത് ശർമ്മ, വിരാട് കോഹ്ലി ഉൾപ്പെടെയുള്ള താരങ്ങളുടെ പോസ്റ്ററുകളുമായി ഇന്ത്യൻ ടീമിന്റെ വിജയത്തിനായി ദീപം തെളിയിച്ച് പ്രാർത്ഥിച്ചു.
30-ഓളം ആരാധകരാണ് വിജയ പ്രതീക്ഷയോടെ വാരാണസിയിൽ ദീപം തെളിയിക്കാനെത്തിയത്. ഇന്ന് ഗുജറാത്തിലെ അഹമ്മദാബാദിൽ നരേന്ദ്രമാദി സ്റ്റേഡിയത്തിൽ ഉച്ചയ്ക്ക് രണ്ട് മണിയ്ക്കാണ് ഇന്ത്യ-ഓസ്ട്രേലിയ ഫൈനൽ മത്സരം നടക്കുന്നത്. ഏകദിന ലോകകപ്പ് ചരിത്രത്തിൽ ഇന്ത്യയുടെ മൂന്നാം കിരീടം സ്വന്തമാക്കാൻ സാധിക്കുമെന്ന പ്രതീക്ഷയിലാണ് താരങ്ങൾ.
ലോകകപ്പിന് മണിക്കൂറുകൾക്ക് മുമ്പ് തന്നെ ക്രിക്കറ്റ് സ്റ്റേഡിയം ആരാധകരെ കൊണ്ട് നിറഞ്ഞിരിക്കുകയാണ്. രാജ്യമൊട്ടാകെ ആവേശ കുതിപ്പിലാണ് ക്രിക്കറ്റ് പ്രേമികൾ.