ലോകം മുഴുവനുമുള്ള ക്രിക്കറ്റ് പ്രേമികളുടെ മനസ്സ് ഇന്ന് ഇന്ത്യൻ മണ്ണിലാണ്. 2023 ലോകകപ്പിന്റെ കലാശപേരാട്ടത്തിൽ ലോകം മുഴുവൻ ആവേശത്തിലാകുമ്പോൾ ഫെെനൽ മത്സരത്തിന്റെ ആവേശത്തിലാണ് ഗൂഗിളും. ലോകകപ്പാണ് ഇന്നത്തെ ഡൂഡിലിന്റെ പ്രത്യേകത. ക്രിക്കറ്റ് മൈതാനവും മദ്ധ്യത്തിലായി ലോകകപ്പ് ട്രോഫിയും ക്രിക്കറ്റ് ബാറ്റുമാണ് ഡൂഡിലുള്ളത്.
”ഇന്നത്തെ ഡൂഡിലിലൂടെ ഇന്ത്യയും ഓസ്ട്രേലിയയും തമ്മിലുള്ള ക്രിക്കറ്റ് ലോകകപ്പ് ഗൂഗിൾ ആഘോഷിക്കുന്നു! അഫ്ഗാനിസ്ഥാൻ, ഓസ്ട്രേലിയ, ബംഗ്ലാദേശ്, ഇംഗ്ലണ്ട്, നെതർലാൻഡ്സ്, ന്യൂസിലാൻഡ്, പാകിസ്താൻ, ദക്ഷിണാഫ്രിക്ക, ശ്രീലങ്ക അടക്കം പത്ത് ടീമുകൾക്ക് ഇന്ത്യ ആതിഥേയത്വം വഹിച്ചു. ഒടുവിൽ രണ്ട് ടീമുകളിലേക്ക് എത്തിയിരിക്കുകയാണ്. ഫൈനലിസ്റ്റുകൾക്ക് ആശംസകൾ’- ഗൂഗിൾ പറഞ്ഞു.
ഇന്ത്യ ആതിഥേയത്വം വഹിക്കുന്ന ഈ വർഷത്തെ മത്സരത്തിൽ മികച്ച പ്രകടനമാണ് എല്ലാ ടീമുകളും കാഴ്ചവച്ചത്. ഗ്രൂപ്പ് ഇന മത്സരങ്ങളിലെല്ലാം വിജയം കൈവരിച്ച് കൊണ്ടാണ് ഇന്ത്യ ഇന്ന് ഫൈനലിനിറങ്ങുന്നത്. മുൻനിരയിലുള്ള രണ്ട് ഗ്രൂപ്പുകളാണ് ഇന്ത്യയും ഓസ്ട്രേലിയയും. അതുകൊണ്ട് തന്നെ ആരാധകർ ഏറ്റവും കൂടുതൽ കാത്തിരിക്കുന്നത് ഇന്ത്യ ഓസീസിനെ തകർത്തെറിയുന്നത് കാണാനാണ്.
ലോകകപ്പ് ഫെെനലിലേക്കുള്ള ടീമുകളുടെ യാത്ര അത്ര എളുപ്പകരമല്ലായിരുന്നു. ഓരോ മത്സരങ്ങളിലും പല പ്രതിസന്ധികളും ടീമിനെ ബാധിച്ചു. എന്നാൽ കരുത്തരായ ഇന്ത്യൻ ടീം ഒന്നിലും പതറാതെ സ്വപ്നസാക്ഷാത്കാരത്തിലേക്ക് എത്താനുള്ള യാത്രയിലായിരുന്നു. ഇനി കൈയെത്തും ദൂരത്തുള്ള സ്വപ്നം സ്വന്തമാക്കാനുള്ള പ്രകടനം മാത്രം കാഴ്ചവച്ചാൽ മതി ഇന്ത്യക്ക്. ഓരോ കളിയും ഫൈനലിന് സമാനമായി കണ്ടാണ് എല്ലാവരും മത്സരിച്ചത്. റെക്കോഡ് പ്രകടങ്ങൾ വരെ തകർത്ത മത്സരങ്ങളും ഉണ്ടായിട്ടുണ്ട്. ഇന്ന് അഹമ്മദാബാദിൽ നടക്കുന്ന കലാശ പോരാട്ടം ഇന്ത്യയുടെ സ്വപ്നസാക്ഷത്കാരത്തിനുള്ള വേദിയായി മാറുന്നതിന് അക്ഷമയോടെ കാത്തിരിക്കുകയാണ് ഓരോ ഇന്ത്യൻ ആരാധകരും.