കായികതാരമാണോ? ഇന്‍ഡോ ടിബറ്റന്‍ ബോര്‍ഡര്‍ പോലീസില്‍ അവസരം; വനിതകള്‍ക്കും അപേക്ഷിക്കാം 

ഇന്‍ഡോ ടിബറ്റന്‍ ബോര്‍ഡര്‍ പോലീസില്‍ അവസരം. കോണ്‍സ്റ്റബിള്‍/ ജനറല്‍ ഡ്യൂട്ടി ഒഴിവുകളിലേക്ക് കായികതാരങ്ങളില്‍ നിന്ന് അപേക്ഷ ക്ഷണിച്ചു. വനിതകള്‍ക്കും അപേക്ഷിക്കാം. 248 ഒഴിവാണുള്ളത്.

അത് ലറ്റിക്‌സ് (പുരുഷന്‍/വനിത)-42, അക്വാട്ടിക്‌സ് (പുരുഷന്‍)-39, ഇക്വസ്ട്രിയന്‍ (പുരുഷന്‍) -8, സ്‌പോര്‍ട്സ് ഷൂട്ടിങ് (പുരുഷന്‍/ വനിത)-45, ബോക്‌സിങ് (പുരുഷന്‍/ വനിത)-21, ഫുട്ബോള്‍ (പുരുഷന്‍)-19, ജിംനാസ്റ്റിക്‌സ്-(പുരുഷന്‍)-12, ഹോക്കി (പുരുഷന്‍)-7, വെയ്റ്റ് ലിഫ്റ്റിങ് (പുരുഷന്‍/ വനിത)-21, വുഷു (പുരുഷന്‍)-2, കബഡി (വനിത)-5, റസലിങ് (പുരുഷന്‍)-6, ആര്‍ച്ചറി (പുരുഷന്‍/ വനിത)-11, കയാക്കിം​ഗ് (വനിത)-4, കനോയിം​ഗ് (വനിത)-4, റോവിങ് (പുരുഷന്‍/ വനിത)-10 എന്നിങ്ങനെയാണ് കായികയിനങ്ങളും ഒഴിവുകളും.

വനിതകള്‍ക്കും പട്ടികജാതി, പട്ടിക വർ​ഗക്കാർക്ക് ഫീസ് ഇല്ല. മറ്റുള്ളവര്‍ക്ക് 100 രൂപ. ഓണ്‍ലൈനായാണ് അപേക്ഷ സമർപ്പിക്കേണ്ടത്. നവംബര്‍ 28 ആണ് അവസാന തീയതി. കൂടുതൽ വിവരങ്ങൾക്കും അപേക്ഷ സമർപ്പിക്കുന്നതിനുമായി https://recruitment.itbpolice.nic.in  എന്ന വെബ്സൈറ്റ് സന്ദർശിക്കുക.