ഉയർന്ന ക്രെഡിറ്റ് ലിമിറ്റ് ഉള്ള പ്രീമിയം ക്രെഡിറ്റ് കാർഡ് ഉപയോക്താക്കൾക്ക് മിക്കപ്പോഴും ആകർഷകമായ ഓഫറുകൾ ബാങ്ക് നൽകാറുണ്ട്. രാജ്യത്തെ മുൻനിര വിമാനത്താവളങ്ങളിലെ ലോഞ്ചുകളിൽ സൗജന്യ സേവനങ്ങൾ ഉൾപ്പെടെ വിവിധ സൗകര്യങ്ങളാണ് മിക്ക പ്രീമിയം ക്രെഡിറ്റ് കാർഡ് ഉപയോക്താക്കൾക്ക് നൽകുന്നത്. എന്നാൽ മിക്ക ബാങ്കുകളും ഇത്തരം സേവനങ്ങൾക്ക് ഡിസംബർ മുതൽ നിബന്ധനകൾ കർശനമാക്കിയിട്ടുണ്ട്. എന്നാൽ ചില സൂപ്പർ പ്രീമിയം കാർഡുകളുടെ സൗജന്യ സേവനങ്ങൾ എച്ച്ഡിഎഫ്സി ബാങ്ക് ഉൾപ്പെടെ പല ബാങ്കുകളും നിലനിർത്തിയിട്ടുണ്ട്.
ക്യാഷ്ബാക്കിലോ റിവാർഡുകളിലോ ആണ് സാധാരണ ക്രെഡിറ്റ് കാർഡുകൾ ശ്രദ്ധകേന്ദ്രീകരിക്കുന്നത്. എന്നാൽ ഇവ അൺലിമിറ്റഡ് ലോഞ്ച് ആക്സസ്, കോംപ്ലിമെന്ററി ഗോൾഫ് സെഷനുകൾ, സ്പാ ഡിസ്‌കൗണ്ടുകൾ, ഹൈ-എൻഡ് ഡൈനിംഗ് എന്നിങ്ങനെയുള്ള പ്രത്യേക ആനുകൂല്യങ്ങൾ നൽകുന്നു. ഇത്തരം ചില സൂപ്പർ പ്രീമിയം കാർഡുകളും അവ നൽകുന്ന സൗകര്യങ്ങളും എന്തെല്ലാമെന്ന് നോക്കാം…
എച്ച്ഡിഎഫ്സി ഇൻഫിനിയ മെറ്റൽ എഡിഷൻ
മുൻനിര സൂപ്പർ പ്രീമിയം കാർഡുകളിലൊന്നാണിത്. സൗജന്യ മുൻഗണനാ പാസ് മെമ്പർഷിപ്പ്, ലോകമെമ്പാടുമുള്ള അൺലിമിറ്റഡ് ലോഞ്ച് ആക്സസ്, ഡൈനിംഗ് എന്നിങ്ങനെ എക്സ്‌ക്ലൂസീവ് ആനൂകൂല്യങ്ങളാണ് കാർഡ് വാഗ്ദാനം ചെയ്യുന്നത്. കൂടാതെ ഷോപ്പിംഗിനും മികച്ച റിവാർഡുകൾ നൽകുന്നു. റീടെയ്ൽ ആവശ്യങ്ങൾക്ക് വേണ്ടി ക്രെഡിറ്റ് കാർഡ് ഉപയോഗിക്കേണ്ടവർക്ക് അനുയോജ്യമാണ് ഇത്.
എസ്ബിഐ ഓറം ക്രെഡിറ്റ് കാർഡ്
യാത്ര ചെയ്യുന്നവർക്ക് വളരെ ഉപകാരപ്രദമാകുന്ന കാർഡാണിത്. വെൽകം ബോണസ് കൂടാതെ ഫ്ളൈറ്റ് ചാർജുകൾക്കും ഹോട്ടൽ ബുക്കിംഗിനും ഉൾപ്പെടെ ഇളവുകൾ ലഭിക്കും.
ആക്സിസ് ബാങ്ക് റിസർവ് ക്രെഡിറ്റ് കാർഡ്
ആഗോള തലത്തിൽ സൗജന്യ ലോഞ്ച് ആക്സസ്, ഭക്ഷണം, വിനോദം, യാത്ര എന്നിവയിൽ 50 ശതമാനത്തിനടുക്ക് വരെ കാർഡ് ഉപയോഗിച്ച് ഇളവുകൾ നേടാനാകും. വാർഷികാടിസ്ഥാനത്തിൽ 25 ലക്ഷം രൂപയ്‌ക്ക് മുകളിൽ കാർഡിലൂടെ ചെലവഴിക്കുകയാണ് എങ്കിൽ പുതുക്കുന്നതിനുള്ള ഫീസിലും ഇളവ് ലഭിക്കും.
എച്ച്ഡിഎഫ്സി ഡൈനേഴ്സ് ക്ലബ് ക്രെഡിറ്റ് കാർഡ്
പ്രീമിയം സേവനങ്ങൾ,റിവാർഡ് പോയിന്റുകൾ, ഇൻഷുറൻസ് കവറേജ് എന്നീ സൗകര്യങ്ങൾ ലഭ്യമാകും.
