തിരുവനന്തപുരം: വോട്ടര് പട്ടിക സൂക്ഷ്മ പരിശോധന നടത്താന് രാഷ്ട്രീയ പാർട്ടികൾക്ക് അവസരം. താലൂക്ക് ഓഫീസുകളില് നിന്നും ഒക്ടോബര് 27ന് പ്രസിദ്ധീകരിച്ച വോട്ടര് പട്ടിക ലഭിക്കും. പ്രത്യേക സംക്ഷിപ്ത വോട്ടര് പട്ടിക പുതുക്കലിന്റെ ഭാഗമായാണ് നടപടി.
നവംബര് 24, 25 ഡിസംബര് 2, 3 തീയതികള് പ്രത്യേക പ്രചരണ ദിനങ്ങളായിരിക്കുമെന്ന് മുഖ്യ തെരഞ്ഞെടുപ്പ് ഓഫീസര് സഞ്ജയ് കൗള് അറിയിച്ചു. അന്തിമ വോട്ടര് പട്ടിക പ്രസിദ്ധീകരിക്കുന്നതുമായി ബന്ധപ്പെട്ട് അംഗീകൃത രാഷ്ട്രീയ പാര്ട്ടികളുമായി ഇന്ന് രാവിലെ 11.30-ന് മുഖ്യ തെരഞ്ഞെടുപ്പ് ഓഫീസര് നിയമസഭാ സമുച്ചയത്തിലെ ചേംബറില് ആലോചനാ യോഗം ചേരും.