ജയിലറിന് ശേഷം മോഹൻലാലും ശിവ രാജ്കുമാറും ഒന്നിക്കുന്ന ചിത്രം ‘കണ്ണപ്പ’യുടെ ഫസ്റ്റ്‌ലുക്ക് പോസ്റ്റർ പുറത്തിറങ്ങി. മുകേഷ് കുമാർ സിംഗാണ് ചിത്രത്തിന്റെ സംവിധാനം നിർവഹിക്കുന്നത്. ചിത്രത്തിൽ അഥിതി കഥാപാത്രമായാണ് മോഹൻലാൽ എത്തുന്നത്. ബാഹുബലി താരം പ്രഭാസും അഥിതി വേഷത്തിലാണ് എത്തുന്നത്. കന്നഡ താരം വിഷ്ണു മഞ്ചുവാണ് ചിത്രത്തിലെ നായകൻ. ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവിട്ടിരിക്കുകയാണ് അണിയറപ്രവർത്തകർ.
വിഷ്ണു മഞ്ചുവിന്റെ പിറന്നാൾ ദിനത്തിലാണ് പോസ്റ്റർ എത്തിയിരിക്കുന്നത്. ഒരു നിഗൂഢ വനത്തിൽ, ശിവലിംഗത്തിന് മുന്നിൽ കൈയിൽ വില്ലുമായി നിൽക്കുന്ന വിഷ്ണു മഞ്ചുവിനെയാണ് പോസ്റ്ററിൽ കാണുന്നത്. 1976 ൽ പുറത്തിറങ്ങിയ ‘ഭക്ത കണ്ണപ്പ’യെ ആസ്പദമാക്കിയാണ് ചിത്രമൊരുക്കിയിരിക്കുന്നത്. മോഹൻലാലിന്റെ കഥാപാത്രം എന്താണെന്ന് വ്യക്തമല്ല.
ഹോളിവുഡ് ഛായാഗ്രാഹകനായ ഷെൽഡൻ ചൗ ഛായാഗ്രഹണം നിർവ്വഹിക്കുന്ന ‘കണ്ണപ്പ’യുടെ ചിത്രീകരണം ന്യൂസിലാൻഡിലാണ് നടക്കുന്നത്. വിഷ്വൽ എക്സലൻസ്, ബ്ലെൻഡിംഗ് ടെക്നോളജി, വിസ്മയിപ്പിക്കുന്ന സ്റ്റണ്ടുകൾ, അത്യാധുനിക ആക്ഷൻ സീക്വൻസുകൾ തുടങ്ങിയവ ഉൾക്കൊള്ളിച്ച് ഒരുക്കുന്ന ചിത്രം ഇപ്പോൾ ന്യൂസിലാൻഡിൽ ചിത്രീകണത്തിലാണ്.
