63 ലക്ഷം രൂപ തട്ടിയെടുത്തു; നവകേരള സദസിൽ അഹമ്മദ് ദേവർകോവിലിനെതിരെ മുഖ്യമന്ത്രിക്ക് പരാതി; യാതൊരു ബന്ധമില്ലെന്നും പരാതി കെട്ടിച്ചമച്ചതാണെന്നും മന്ത്രി

കോഴിക്കോട്: തുറമുഖമന്ത്രി അഹമ്മദ് ദേവർകോവിലിനെതിരെ നവകേരള സദസിൽ മുഖ്യമന്ത്രിക്ക് പരാതി. വടകര സ്വദേശി എം.കെ യൂസഫ് ആണ് പരാതി നൽകിയത്. അ​ഹ​മ്മ​ദ് ദേ​വ​ർ​കോ​വി​ൽ പാ​ർ​ട്ണ​റാ​യി​ട്ടു​ള്ള സ്ഥാ​പ​നം ചെ​ക്ക് കേ​സി​ൽ 63 ല​ക്ഷം രൂ​പ ന​ൽ​ക​ണ​മെ​ന്ന് കോ​ട​തി​വി​ധി​യു​ണ്ടെ​ന്നും ഇ​ത് ന​ട​പ്പാ​ക്കാ​ൻ സ​ഹാ​യി​ക്ക​ണം എന്നാ​വ​ശ്യ​പ്പെ​ട്ടാ​ണ് നവകേരള സദസിൽ അ​പേ​ക്ഷ ന​ൽ​കി​യ​ത്.

കോടതി വിധി അനുസരിക്കാതെ മന്ത്രി കബളിപ്പിക്കുന്നെന്നും സാമ്പത്തിക തട്ടിപ്പുകേസിൽ 63 ലക്ഷം രൂപ വാങ്ങി നൽകാൻ ഇടപെട്ടുവെന്നാണ് പരാതിയിൽ പറയുന്നത്. ബിസിനസിൽ പങ്കാളിയാക്കാമെന്ന് പറഞ്ഞ് 2011-ൽ 50 ലക്ഷം രൂപ യൂസഫിൽ നിന്നും വാങ്ങിയിരുന്നു. ഒരു വർഷം കഴി‍ഞ്ഞിട്ടും ബിസിനസ് നടക്കാതെ ആയപ്പോൾ പ​ണം തി​രി​കെ ആ​വ​ശ്യ​പ്പെ​ട്ടു. ചെ​ക്ക് ന​ൽ​കി​യെ​ങ്കി​ലും മ​ട​ങ്ങി​യ​തോ​ടെ കേ​സ് കോ​ട​തി​യി​ലെ​ത്തി. ഈ ​ഘ​ട്ട​ത്തി​ലാ​ണ് സ്ഥാ​പ​ന​ത്തി​ന്റെ മാ​നേ​ജി​ങ് പാ​ർ​ട്ണ​റെ​ന്ന നി​ല​യി​ൽ അ​ഹ​മ്മ​ദ് ദേ​വ​ർ​കോ​വി​ൽ കോ​ട​തി​യി​ൽ വി​ചാ​ര​ണ നേ​രി​ട്ട​ത്.

സംഭവത്തിൽ ഇതിന് മുൻപും മുഖ്യമന്ത്രിക്ക് പരാതി നൽകിയിട്ടുണ്ടെങ്കിലും മറുപടി ലഭിച്ചില്ലെന്ന് പരാതിക്കാരൻ ആരോപിക്കുന്നു. അതിനാലാണ് മന്ത്രിക്കെതിരെയുള്ള പരാതിയുമായി നവകേരളസദസിലേക്ക് വന്നതെന്നും അദ്ദേഹം പറഞ്ഞു.

ന​വ​കേ​ര​ള സ​ദ​സ്സി​ന്റെ വി​ജ​യ​വും ശോ​ഭ​യും അ​സ്വ​സ്ഥ​ത സൃ​ഷ്ടി​ച്ച ഇ​ട​തു​പ​ക്ഷ വി​രു​ദ്ധ​രു​ടെ കൈ​യി​ലെ കോ​ടാ​ലി​പ്പി​ടി​ക​ളാ​ണ് ത​നി​ക്കെ​തി​രാ​യ അ​പ​വാ​ദ പ്ര​ചാ​ര​ണ​ത്തി​ന്റെ പി​ന്നി​ലെ​ന്നാണ് മ​ന്ത്രി അ​ഹ​മ്മ​ദ് ദേ​വ​ർകോ​വി​ല്ലിന്റെ വിശദീകരണം. താ​നു​മാ​യി നേ​രി​ട്ട് ബ​ന്ധ​മി​ല്ലാ​ത്ത സാ​മ്പ​ത്തി​ക ഇ​ട​പാ​ടി​ൽ പ്ര​തി​ചേ​ർത്ത് കൊ​ടു​ത്ത കേ​സി​ലെ വി​ധി​ക്കെ​തി​രെ ഹൈ​കോ​ട​തി​യി​ൽ അ​പ്പീ​ൽ നി​ല​നി​ൽക്കു​ന്നു​ണ്ട്. പരാതിക്കാരനായ യൂസഫുമായി നേരിട്ട് ബന്ധമില്ലെന്നും മന്ത്രി പറയുന്നു.