തിരുവനന്തപുരം: സംസ്ഥാനത്ത് സ്വർണവിലയിൽ വർദ്ധനവ്. ഇന്ന് പവന് 240 രൂപ വർദ്ധിച്ച് സ്വർണവില വിപണയിൽ 45,680 രൂപയായി. ഗ്രാമിന് ഇന്ന് 30 രൂപയാണ് കൂടിയത്. ഒരു ഗ്രാം സ്വർണത്തിന് വില 5,710 രൂപയിലെത്തി.
സംസ്ഥാനത്ത് നാല് ദിവസത്തെ ഇടവേളയ്ക്ക് ശേഷമാണ് സ്വർണവില വീണ്ടും ഉയർന്നത്. രാജ്യാന്തര വിപണിവിലയിലെ വ്യത്യാസങ്ങളാണ് കേരളത്തിലും പ്രതിഫലിച്ചിരിക്കുന്നത്. രാജ്യാന്തര വിപണിയിൽ ഓഹരി വിപണികൾ ഇടിഞ്ഞാൽ സ്വർണം വീണ്ടും കുതിച്ചേക്കും.
അതേസമയം വെള്ളിയുടെ വിലയിലും നേരിയ വർദ്ധനവ് രേഖപ്പെടുത്തി. ഒരു ഗ്രാം സാധാരണ ഒരു രൂപ വർദ്ധിച്ച് വെള്ളിയ്ക്ക് 80 രൂപയായി. ഒരു ഗ്രാം ഹാൾമാർക്ക് വെള്ളിയുടെ വിപണി വില 103 രൂപയാണ്.
