സിനിമാതാരങ്ങളുടെ ത്രോബാക് ചിത്രങ്ങൾ സമൂഹമാദ്ധ്യമങ്ങളിൽ എപ്പോഴും വൈറലാകാറുണ്ട്. പ്രത്യേകിച്ചും കുട്ടിക്കാലത്തെ ചിത്രങ്ങൾ.
അത്തരത്തിലൊരു ചിത്രമാണ് ഇപ്പോൾ സമൂഹമാദ്ധ്യമങ്ങളിൽ ശ്രദ്ധിക്കപ്പെടുന്നത്. സോഷ്യൽ മീഡിയയിലും സിനിമയിലും ഒരുപോലെ തിളങ്ങി നിൽക്കുന്ന ഒരു താരത്തിന്റെ ചിത്രമാണിത്.
താരം മാത്രമല്ല കുടുംബം മുഴുവനും മലയാളികൾക്ക് ഏറെ പ്രിയപ്പെട്ടതാണ്. മറ്റാരുടെയും ചിത്രമല്ല ഇത് നടി അഹാന കൃഷ്ണകുമാറിന്റേതാണ്. താരത്തിന്റെ കുട്ടിക്കാല ഫോട്ടോയാണ് ഇപ്പോൾ വൈറലാകുന്നത്. തന്റെ കുട്ടിക്കാല വീഡിയോ അഹാന തന്നെയാണ് ഇൻസ്റ്റാഗ്രാമിൽ പങ്കുവച്ചത്. രണ്ടര വയസുള്ളപ്പോൾ 1998 ഓഗസ്റ്റ് മൂന്നിന് പകർത്തിയതാണ് എന്ന് ഈ വീഡിയോ പങ്കുവച്ചുകൊണ്ട് അഹാന തന്നെ കുറിച്ചിട്ടുണ്ട്.
‘ഇത്രയും നാളത്തെ ജീവിതത്തിൽ ഒരിക്കലും അച്ഛനും അമ്മയും എന്നോട് ഭക്ഷണം കഴിക്കാൻ ആവശ്യപ്പെടുന്ന സാഹചര്യം ഉണ്ടായതായി ഓർക്കുന്നില്ല. ഞാൻ എപ്പോഴും ഭക്ഷണം സ്വയം ചോദിക്കുകയും തരുന്നത് മുഴുവനായി കഴിക്കുകയും ചെയ്തിരുന്നു. ഭക്ഷണത്തിന്റെ കാര്യത്തിൽ കലഹിച്ചിട്ടില്ല എന്നതാണ് എനിക്ക് ഏറ്റവും ഇഷ്ടപ്പെട്ട കുട്ടിക്കാലത്തെ ഗുണം. തരുന്ന ഭക്ഷണം വളരെ ആകാംക്ഷയോടെയും സ്നേഹത്തോടെയും കഴിക്കുമായിരുന്നു. അമ്മയും മറ്റുള്ളവരും വർഷങ്ങളായി എന്നോട് ഇത് പറയാറുണ്ട്. ഈ വീഡിയോ ക്ലിപ്പ് 1998 ഓഗസ്റ്റ് മൂന്നിന് എടുത്തതാണ്. അന്നെനിക്ക് രണ്ടര വയസ്സായിരുന്നു പ്രായം.’- അഹാന കുറിച്ചു.
View this post on Instagram
