നയൻതാരയുടെ ഏറ്റവും പുതിയ ചിത്രമായ അന്നപൂരണിയുടെ ട്രെയിലർ പുറത്ത്. ഷെഫിന്റെ വേഷത്തിലാണ് ചിത്രത്തിൽ നയൻതാര എത്തുന്നത്. പ്രണയവും വിരഹവും ഒരുപോലെ ഉൾപ്പെടുത്തിയിരിക്കുന്നതാണ് ട്രെയിലർ. ഷെഫ് ആകാൻ ആഗ്രഹിക്കുന്ന പെൺകുട്ടി നേരിടേണ്ടി വരുന്ന പ്രശ്നങ്ങൾ ട്രെയിലറിൽ കാണാൻ സാധിക്കും.
നവാഗത സംവിധായകനായ നീലേശ് കൃഷ്ണനാണ് ചിത്രം സംവിധാനം ചെയ്തിരിക്കുന്നത്. നയൻതാരയെ കൂടാതെ ജെയ്, സത്യരാജ് എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. തമൻ എസ് സംഗീതസംവിധാനം നിർവഹിക്കുന്ന ചിത്രത്തിന്റെ ഛായഗ്രഹകൻ സത്യൻ സൂര്യനാണ്.ഡിസംബർ 1 മുതൽ ചിത്രം തിയേറ്ററുകളിൽ എത്തും.
