ഭൂമിയിൽ നിന്ന് 11 ദശലക്ഷം പ്രകാശവർഷമകലെ മറഞ്ഞിരിക്കുന്ന ഗാലക്സിയുടെ ചിത്രം പങ്കുവെച്ച് നാസ. ‘ഹിഡൻ ഗാലക്സി’ എന്നറിയപ്പെടുന്ന സ്പൈറൽ ഗാലക്സിയുടെ ചിത്രമാണ് പങ്കുവെച്ചത്.
ഗാലക്സിയുടെ മധ്യഭാഗത്തായി സർപ്പിള കൈകളോടെ കറങ്ങുന്ന ക്ഷീരപഥങ്ങളെയാണ് സ്പൈറൽ ഗാലക്സി എന്ന് പറയുന്നത്. നാസയുടെ ടെലിസ്കോപ്പായ ഹബിളാണ് മറഞ്ഞിരുന്ന ഗാലക്സിയെ ക്യാമറ കണ്ണിൽ ഒപ്പിയെടുത്തത്. യൂറോപ്യൻ ബഹിരാകാശ ഏജൻസിയുടെ യൂക്ലിഡ് ദൗത്യത്തിന്റെ ഭാഗമായാണ് ചിത്രം പകർത്തിയത്. നാസയുമായി സഹകരിച്ചാണ് യൂക്ലിഡ് ദൗത്യം പുരോഗമിക്കുന്നത്.
ദൗത്യത്തിന്റെ ഭാഗമായി പുറത്തുവന്ന ആദ്യത്തെ ചിത്രമാണിത്. ഭൂമിയിൽ നിന്ന് 11 ദശലക്ഷം പ്രകാശവർഷം അകലെയാണെന്നും ക്ഷീരപഥത്തിലെ പൊടിപടലങ്ങളുടെ പുറകിലാണ് ഇത് സ്ഥിതി ചെയ്യുന്നതെന്നും നാസ സമൂഹമാദ്ധ്യമത്തിൽ പങ്കുവെച്ച കുറിപ്പിൽ പറയുന്നു.
