മുംബൈ : ഛത്രപതി ശിവാജി മഹാരാജ് എന്ന പേര് കേൾക്കുമ്പോൾ തന്നെ ഓരോ ഹൈന്ദവവിശ്വാസിയുടെയും ഹൃദയത്തിലും അഭിമാനം നിറയും. എന്നാൽ ഹിന്ദുവിശ്വാസികൾ മാത്രമല്ല മുസ്ലീം വിശ്വാസികളും ശിവാജി മഹാരാജിനെ വന്ദിക്കുന്നുവെന്നതിന്റെ തെളിവാണ് സമൂഹമാദ്ധ്യമങ്ങളിൽ വൈറലാകുന്ന വീഡിയോ.
വൈറൽ വീഡിയോയിൽ മുസ്ലീം ദമ്പതികൾ ഛത്രപതി ശിവാജി മഹാരാജിന്റെ മുഴുനീള പ്രതിമയെ ആരതിയുഴിഞ്ഞ് വന്ദിക്കുന്നതായി കാണാം . മുസ്ലീം യുവാവ് ഛത്രപതി ശിവജി മഹാരാജിന്റെ പ്രതിമയിൽ ജലാഭിഷേകം നടത്തുന്നതാണ് വീഡിയോയുടെ തുടക്കം . പ്രതിമ വൃത്തിയാക്കിയ ശേഷം യുവാവ് പ്രതിമയിൽ വലിയ മാല ചാർത്തുന്നു. പിന്നീട് ഈ യുവാവ് പ്രതിമയിൽ ആരതി നടത്തുന്നു. ഈ യുവാവിനെ അനുഗമിക്കുന്ന പർദ്ദ ധരിച്ച യുവതിയും ശിവാജി മഹാരാജിനെ വന്ദിക്കുന്നത് കാണാം .മുംബൈയിൽ നിന്നുള്ളതാണ് ദൃശ്യങ്ങളെന്നാണ് സൂചന.നിരവധി പേരാണ് ഈ വീഡിയോയ്ക്ക് ഇരുവരെയും അഭിനന്ദിച്ച് കമന്റ് ചെയ്തിരിക്കുന്നത്
സമൃദ്ധിയും സന്തോഷവും നിറഞ്ഞ ജീവിതം ഉണ്ടാകട്ടെ, ദൈവം നിങ്ങളെ അനുഗ്രഹിക്കട്ടെ, ജയ് മഹാരാഷ്ട്ര’ എന്നിങ്ങനെ നിരവധി കമന്റുകൾ വന്നിട്ടുണ്ട് . അതേസമയം ഇരുവരും ഇസ്ലാമിന് നിരക്കുന്നതല്ല ചെയ്യുന്നതെന്ന് വിമർശിച്ച് ഇസ്ലാമിസ്റ്റുകളും കമന്റ് ചെയ്തിട്ടുണ്ട്.
