കഹാനി എന്ന സിനിമയിലൂടെ ശ്രദ്ധേയനായ ബംഗാളി നടനും സംവിധായകനുമായ പരംബ്രത ചാറ്റർജിയും ഗായിക പിയ ചക്രവർത്തിയും വിവാഹിതരായി. കൊൽക്കത്തിയിൽ വച്ച് നടന്ന രജിസ്റ്റർ വിവാഹത്തിലൂടെയാണ് ഇരുവരും ഒന്നിച്ചത്. വളരെ ലളിതമായ ചടങ്ങിൽ ഇരുവരുടെയും കുടുംബാംഗങ്ങളും ബന്ധുക്കളും മാത്രമാണ് പങ്കെടുത്തത്.
ഇരുവരും പ്രണയത്തിലാണെന്ന് നേരത്തെ തന്നെ വാർത്തകൾ പ്രചരിക്കുന്നുണ്ടായിരുന്നു. എന്നാൽ ഔദ്യോഗികമായി ഈ വാർത്തകൾ ഇരുവരും സ്ഥിരീകരിച്ചിരുന്നില്ല. പിന്നാലെയാണ് ഇരുവരുടെയും വിവാഹ വാർത്ത പുറത്ത് വരുന്നത്. വിവാഹ ചിത്രങ്ങൾ പരംബ്രത തന്നെയാണ് സോഷ്യൽ മീഡിയയിൽ പങ്കുവെച്ചത്.
വിദ്യാ ബാലനൊപ്പം അഭിനയിച്ച കഹാനിയിലെ പോലീസ് വേഷമാണ് താരത്തെ ബോളിവുഡിൽ ശ്രദ്ധേയനാക്കിയത്. പിന്നീട് അനുഷ്ക ശർമയ്ക്കൊപ്പം പരി എന്ന ചിത്രത്തിലും അഭിനയിച്ചു.
