തൊലി പൊളിച്ച് ഓറഞ്ച് തിന്ന് ബാക്കി തൊടിയിൽ എറിയുന്നവരാകും നമ്മളിൽ പലരും. നിരവധി ഗുണങ്ങളുള്ള ഓറഞ്ച് പലപ്പോഴും കഴിക്കുന്നവരാണ് നമ്മൾ. എന്നാൽ ഒരിക്കലെങ്കിലും ഇതിന്റെ തൊലിയിലെ ഗുണങ്ങളെ കുറിച്ച് ആലോചിച്ചിട്ടുണ്ടോ? അതിശയിക്കേണ്ട, ഗുണങ്ങളുടെ കലവറയാണ് ഓറഞ്ച് തൊലി.
ഫലപ്രദമായി ഉപയോഗിച്ചാൽ അത്ഭുതപ്പെടുത്തും വിധത്തിലുള്ള ഗുണങ്ങളാണ് ഓറഞ്ച് തൊലി നൽകുന്നത്. ചർമ്മത്തിന് തിളക്കം നൽകാനും, പാടുകൾ, പിഗ്മെന്റേഷൻ പ്രശ്നങ്ങൾ തുടങ്ങിയവയിൽ നിന്ന് ചർമ്മത്തെ സംരക്ഷിക്കാനും ഓറഞ്ച് തൊലി സഹായിക്കും. പ്രകൃതിദത്തമായി മോയ്സ്ചറൈസിംഗ് ഗുണങ്ങളുള്ളതാണ് ഓറഞ്ച്.
ഓറഞ്ച് തൊലി ഉണക്കി പൊടിച്ചാണ് മുഖത്ത് ഉപയോഗിക്കേണ്ടത്. ഇതിലേക്ക് റോസ് വാട്ടറും ചേർത്ത് ഉപയോഗിക്കുന്നത് മുഖക്കുരുവും കറുത്തപാടുകളും അകറ്റാനും സഹായിക്കും. ഓറഞ്ച് പൊടിച്ചത് ഒരു സ്പൂൺ, ഒരു നുള്ള് മഞ്ഞൾപ്പൊടി, ഒരു സ്പൂൺ തേൻ എന്നിവ കുഴമ്പ് രൂപത്തിലാക്കുക. ശേഷം ഈ മിശ്രിതം മുഖത്തും കഴുത്തിലും തേച്ചു പിടിപ്പിക്കുക. 10 മിനിറ്റിന് ശേഷം റോസ് വാട്ടർ ഉപയോഗിച്ച് കഴുകി കളയാം. വെയിലേറ്റ് മങ്ങിയ മുഖത്തിന് ഉത്തമമാണ് ഇത്. സുരക്ഷിതമായ രീതിയിൽ ബ്ലീച്ച് ചെയ്യാനും ഓറഞ്ച് തൊലി ഉപയോഗിക്കാവുന്നതാണ്. മൂന്ന് ടേബിൾ സ്പൂൺ പൊടിച്ച ഓറഞ്ച് തൊലിയും രണ്ട് ടേബിൾ സ്പൂൺ പഞ്ചസാരയും തേങ്ങാപ്പാലും ചേർത്ത് പേസ്റ്റ് രൂപത്തിലാക്കി മുഖത്ത് പുരട്ടുക.
ചർമ്മത്തിലെ മൃദുത്വം കാത്തുസൂക്ഷിക്കാൻ ആഗ്രഹിക്കുന്നവർക്ക് ഓറഞ്ച് തൊലി പൊടിച്ചതും റോസ് വാട്ടറും തേനും ചേർത്ത് ഉപയോഗിക്കാം. മൂന്ന് ടീസ്പൂൺ പൊടിച്ച ഓറഞ്ച് തൊലി, രണ്ട് ടീസ്പൂൺ പഞ്ചസാരയും തേങ്ങാപ്പാലും ചേർത്ത് പേസ്റ്റ് രൂപത്തിലാക്കി മുഖത്ത് പുരട്ടുക. ഇതും ചർമ്മത്തിലെ തിളക്കം വർദ്ധിപ്പിക്കാൻ ഇത് സഹായിക്കും.
