തിരുവനന്തപുരം: സംസ്ഥാനത്ത് സ്വർണവില ഉയർന്നു. പവന് 160 രൂപ വർദ്ധിച്ച് വിപണിയിൽ വില 46,160 രൂപയായി. ഗ്രാമിന് ഇന്ന് 20 രൂപയാണ് വർദ്ധിച്ചത്. ഒരു ഗ്രാം സ്വർണത്തിന് വില 5,770 രൂപയുമായി.
ഇന്നലെ സർവ്വകാല റെക്കോർഡ് നിരക്കിൽ നിന്നും സ്വർണവില കുറഞ്ഞിരുന്നു. പവന് 480 രൂപ കുറഞ്ഞ് വിപണിയിൽ വില 46,000 രൂപയായിരുന്നു. അന്താരാഷ്ട്ര സ്വർണ വിപണിയിലെ വില വ്യത്യാസമാണ് സംസ്ഥാനത്തെ വിലയിലും പ്രതിഫലിക്കുന്നത്.
അതേസമയം വെള്ളിയുടെ വിലയിൽ നേരിയ വർദ്ധനവ് രേഖപ്പെടുത്തി. ഒരു ഗ്രാം സാധാരണ വെള്ളിയ്ക്ക് 82.50 രൂപയാണ്. ഒരു ഗ്രാം ഹാൾമാർക്ക് വെള്ളിയുടെ വിപണി വില 103 രൂപയാണ്.
