കുഞ്ചാക്കോ ബോബൻ നായകനായെത്തിയ സിനിമകളിൽ ആരാധകർക്ക് ഇന്നും പ്രിയപ്പെട്ട ഒന്നാണ് മഴവില്ല്. ചിത്രം പുറത്തുവന്നിട്ട് 24 വർഷം പിന്നിട്ടു. ജർമ്മനിയിൽ സ്ഥിരതാമസമാക്കിയ ദമ്പതികളുടെ കഥയായിരുന്നു മഴവില്ലിലൂടെ നാം കണ്ടത്. ചിത്രത്തിന്റെ ഷൂട്ടിംഗിനായി ലോകത്തിന്റെ പലഭാഗത്തേക്കും ചാക്കോച്ചനും അണിയറപ്രവർത്തകരും എത്തിയിരുന്നു. അതിമനോഹരമായ ദൃശ്യവിരുന്ന് സമ്മാനിച്ച മഴവില്ലിലെ ഒരു ലൊക്കേഷനിലേക്കാണ് ഇപ്പോൾ ചാക്കോച്ചനും കുടുംബവും എത്തിയിരിക്കുന്നത്. ഇതിന്റെ ദൃശ്യങ്ങൾ താരം ഇൻസ്റ്റഗ്രാമിലൂടെ പങ്കുവയ്‌ക്കുകയും ചെയ്തിട്ടുണ്ട്.
View this post on Instagram
ചാക്കോച്ചന്റെ പോസ്റ്റ് ഇങ്ങനെ.. മഴവില്ലെന്ന സിനിമ ചിത്രീകരിച്ച വിയന്നയിൽ 24 വർഷങ്ങൾക്ക് ശേഷം ഞാൻ എത്തി. ഈ സന്തോഷ വേളയിൽ എനിക്കൊപ്പം എന്റെ കുടുംബവുമുണ്ട്. ഒരു മാറ്റവും വന്നിട്ടില്ല… പ്രാറ്റർ പാർക്കിലെ ആ ജെയിന്റ് വീലും, മനോഹരമായ മരങ്ങളും എല്ലാം ഇന്നും അവിടെ തന്നെയുണ്ട്. എല്ലാം ചേർന്നപ്പോൾ എന്റെ പ്രിയപ്പെട്ടവർക്കൊപ്പമുള്ള നിമിഷങ്ങൾ അതിമനോഹരം. കൂടെ പ്രിയപ്പെട്ട മോഹൻ സിത്താരയുടെ ഗാനങ്ങൾ വീണ്ടും ഹൃദയം കവരുന്നു. എന്നായിരുന്നു ചാക്കോച്ചന്റെ കുറിപ്പ്.
View this post on Instagram
വിനീത്, പ്രീതി ജാംഗിയാനി, ലാലു അലക്സ്, പ്രവീണ തുടങ്ങിയവർ അഭിനയിച്ച മഴവില്ല് എന്ന ചിത്രത്തിന് ഇന്നും ആരാധകരേറെയാണ്. മോഹൻ സിത്താര ഈണം നൽകിയ ഒരുപിടി നല്ല ഗാനങ്ങളാണ് ചിത്രത്തിലെ ശ്രദ്ധേയമായ മറ്റൊരു ഘടകം.
