ന്യൂഡൽഹി: 2029 ലെ ലോക അത്ലറ്റിക്സ് ചാമ്പ്യൻഷിപ്പിന് ഇന്ത്യ വേദിയയേക്കുമെന്ന് റിപ്പോർട്ടുകൾ. 2027ലെ ലോക അത്ലറ്റിക് ചാമ്പ്യൻഷിപ്പിന് മുന്നോടിയായി ഇന്ത്യ ബിഡ് സമർപ്പിക്കുമെന്ന് റിപ്പോർട്ടുകൾ ഉണ്ടായിരുന്നെങ്കിലും അത് ഉപേക്ഷിച്ചാണ് പുതിയ ബിഡ് സമർപ്പിക്കാൻ ഒരുങ്ങുന്നത്. അത്ലറ്റിക്സ് ഫെഡറേഷൻ ഓഫ് ഇന്ത്യയുടെ വാർഷിക ജനറൽ ബോഡി യോഗത്തിനോടനുബന്ധിച്ച് ദേശീയ മാദ്ധ്യമങ്ങളാണ് ഇക്കാര്യം റിപ്പോർട്ട് ചെയ്തത്.
2029 ലോക അത്ലറ്റിക് ചാമ്പ്യൻഷിപ്പിനായി ബിഡ് സമർപ്പിക്കാൻ ഇന്ത്യക്ക് താത്പര്യമുണ്ട്. ഇത് പോലൊരു കായിക മാമാങ്കത്തിന് ആതിഥേയത്വം വഹിക്കുന്നത് ഇന്ത്യയെ സംബന്ധിച്ച് വളരെ മികച്ച കാര്യമായിരിക്കും. എഎഫ്ഐ സീനിയർ വൈസ് പ്രസിഡന്റ് അഞ്ജു ബോബി ജോർജ്ജിനെ ഉദ്ധരിച്ച് ദേശീയ മാദ്ധ്യമങ്ങൾ റിപ്പോർട്ട് ചെയ്തു. 2036ലെ ഒളിമ്പിക്സിനും 2030ലെ യൂത്ത് ഒളിമ്പിക്സിനും ആതിഥേയത്വം വഹിക്കാൻ ഇന്ത്യ താത്പര്യം പ്രകടിപ്പിച്ചിട്ടുണ്ട്. 2025ലെ ലോക അത്‌ലറ്റിക്് ചാമ്പ്യൻഷിപ്പ് ടോക്കിയോയിൽ നടക്കും.
