കോഴിക്കോട്: കരിപ്പൂർ അന്താരാഷ്ട്ര വിമാനത്താവളത്തിൽ നിന്നും കസ്റ്റംസ് ഉദ്യോഗസ്ഥരെ വെട്ടിച്ച് കടത്താൻ ശ്രമിച്ച സ്വർണം പിടികൂടി. താമരശ്ശേരി പരപ്പൻപൊയിൽ സ്വദേശി ചേനാടൻ സലീമാണ് പിടിയിലായത്. ദമാമിൽ നിന്നും ഇൻഡിഗോ വിമാനത്തിലൂടെ കരിപ്പൂരിലെത്തിയ പ്രതിയാണ് സ്വർണവുമായി പിടിയിലായത്.
എയർപോർട്ടിന് പുറത്തെത്തിയതോടെ പ്രതിയെ പോലീസ് കസ്റ്റഡിയിൽ എടുക്കുകയായിരുന്നു. ധരിച്ചിരിക്കുന്ന ഷർട്ടിന്റെ കയ്യിൽ മടക്കി വച്ചാണ് സ്വർണം കടത്താൻ ശ്രമിച്ചത്. 330 ഗ്രാം സ്വർണമാണ് മിശ്രിത രൂപത്തിലാക്കി കടത്താൻ ശ്രമിച്ചത്. തുടരന്വേഷണത്തിന്റെ ഭാഗമായി വിശദമായ റിപ്പോർട്ട് കസ്റ്റംസിനും പിടികൂടിയ സ്വർണം പോലീസിനും സമർപ്പിക്കുമെന്നും അധികൃതർ വ്യക്തമാക്കി.
