അടുത്ത കാലത്ത് മലയാള സിനിമയിൽ കാന്‍സര്‍ രോഗത്തെ മനകരുത്ത് കൊണ്ട് അതിജീവിച്ച് വന്ന നടനാണ് സുധീർ സുകുമാരൻ. തനിക്ക് രോഗം വന്ന കാലയളവിൽ തനിക്കൊപ്പം കരുത്തായി നിന്നവരെ കുറിച്ച് അടുത്തിടെ സുധീർ തുറന്ന് പറഞ്ഞിരുന്നു.
‘ എനിക്ക് ചിരിക്കണോ കരയണോയെന്ന് പോലും എനിക്ക് മനസിലായില്ല. ഡോക്ടർ ഉടൻ സർജറി വേണമെന്ന് പറഞ്ഞപ്പോൾ ഞാൻ ഡിസ്ചാർജ് ചെയ്യാനാണ് ആവശ്യപ്പെട്ടത്. അസുഖങ്ങൾ വരുമ്പോൾ ഒറ്റപ്പെട്ട് പോവുകയാണോ… എല്ലാവരേയും വിട്ട് പോകേണ്ടി വരുമോ എന്നൊക്കെയുള്ള തോന്നലുകൾ വരും. ആ സമയത്ത് ആരുടെയെങ്കിലും സപ്പോർട്ട് മനസുകൊണ്ട് നമ്മൾ ആഗ്രഹിക്കും.’
‘എന്റെ ഫ്രണ്ട്സ് സർക്കിളിൽ ആരെങ്കിലും വിഷമിക്കുന്നുവെന്ന് എനിക്ക് തോന്നലുണ്ടായാൽ ഞാൻ അവരെ വിളിച്ച് സംസാരിക്കും. ആത്മഹത്യയെ കുറിച്ച് പലരും ചിന്തിക്കുന്ന സമയത്ത് ഞാൻ ഈ തോന്നൽ കാരണം വിളിച്ചിട്ടുണ്ട്. അവരുടെ പ്രശ്നങ്ങളെ കുറിച്ച് കേൾക്കാൻ മനസ് കൊടുത്തിട്ടുണ്ട് . പെട്ടെന്ന് വയ്യാതെ ആകുമ്പോൾ ആദ്യം ഓർക്കുന്ന മുഖം മമ്മൂക്കയുടേതാണ്. ഇമോഷണലി വല്ലാതെ അറ്റാച്ഡാണ് ഞാൻ അദ്ദേഹവുമായി.
അതുപോലെ സർജറിക്കുള്ള എല്ലാ സഹായവും സുരേഷ് ഗോപി ചേട്ടൻ എനിക്കായി ചെയ്ത് തന്നു. എന്നാൽ ഒരിക്കൽ പോലും ഇക്കാര്യം അദ്ദേഹം എവിടെയും പറഞ്ഞ് നടന്നില്ല. ഇനിയും രോഗം വരുമോ ഇല്ലയോ എന്നൊന്നും ചിന്തിക്കാറില്ല അങ്ങനെ തന്നെയാണ് സുരേഷേട്ടനും. നിന്റെ അസുഖം മാറി ഇനി എന്തിനാണ് അതിനെക്കുറിച്ച് ചോദിക്കുന്നത് എന്നാണ് അദ്ദേഹം ചോദിക്കുന്നത്.- സുധീർ പറയുന്നു
