കുറിപ്പടിയില്ലാതെ ഏത് മെഡിക്കൽ ഷോപ്പിൽ നിന്നും ലഭിക്കുന്ന വേദനസംഹാരിയാണ് മെഫ്താലിൻ. ആർത്തവ വേദന, തലവേദന, സന്ധിവേദന തുടങ്ങിയ പ്രശ്നങ്ങൾക്കാണ് ഇത് കൂടുതലായും ഉപയോഗിച്ചുവരുന്നത്. എന്നാൽ അടുത്തിടെ മെഫ്താലിനെതിരെ കേന്ദ്രം മുന്നറിയിപ്പ് പുറപ്പെടുവിച്ചിരുന്നു. ഡ്രഗ് റാഷ് വിത്ത് ഇസിനോഫീലിയ (DRESS Syndrome) പ്രകടമാകുന്നവർ വൈദ്യ സഹായം തേടണമെന്നും കേന്ദ്ര സർക്കാർ വ്യക്തമാക്കിയിരുന്നു.
ഈ വേദനസംഹാരി കഴിക്കുന്നവരാണോ? വലിയ വില കൊടുക്കേണ്ടി വരും! ജാഗ്രത നിർദ്ദേശം നൽകി കേന്ദ്രം
ഇതിന് പിന്നാലെ ഉയരുന്ന സംശയമാണ് എന്താണ് ഡ്രസ് സിൻഡ്രോം എന്നത്. മരകമായേക്കാവുന്ന ഒരു തരം അലർജിയാണ് ഡ്രഗ് റാഷ് വിത്ത് ഇസിനോഫീലിയ (DRESS Syndrome). ചർമ്മത്തിലുണ്ടാകുന്ന ചുണങ്ങുകൾ പിന്നിട് ആന്തരിക അവയവങ്ങളെ പോലും ഗുരുതരമായി ബാധിക്കുന്നു. ഇതിനെ അടിസ്ഥാനത്തിലാണ് മെഫ്താലിൻ ഉപയോഗിക്കുന്നവർ ജാഗ്രത പുലർത്തണമെന്ന് നിർദ്ദേശം നൽകിയിരിക്കുന്നത്.
DRESS സിൻഡ്രത്തിന്റെ ലക്ഷണങ്ങൾ
- ശരീരത്തിൽ തിണർപ്പും ചൊറിച്ചിലും
- പനി
- ചുവന്ന രക്താണുക്കൾ, ഹീമോഗ്ലോബിൻ തുടങ്ങിയവയുടെ അളവിലെ അസാധാരണമായ കുറവ്. വിളർച്ച, ഇരുമ്പിന്റെ കുറവ് തുടങ്ങിയവയൊക്കെ പ്രകടമാേയക്കാം
- ഞരമ്പുകൾ, കക്ഷം, ചെവിക്ക് പിന്നിൽ, തലയുടെ പിൻഭാഗം, കഴുത്തിന്റെ വശങ്ങൾ, താടിയെല്ലിനും താടിയെല്ലിനും താഴെയുള്ള ഭാഗങ്ങളിലുമുള്ള നിംഫ് നോഡുകൾ വീർക്കുക
- ചിലപ്പോൾ മറ്റ് അവയവങ്ങളെയും ബാധിക്കുക
