കൗതുകവും വിചിത്രവുമായ നിരവധി വാർത്തകളാണ് ദിനംപ്രതി സമൂഹ മാദ്ധ്യമങ്ങളിലൂടെ നാം കാണുന്നതും കേൾക്കുന്നതും. ഭക്ഷണ പ്രേമികൾ പലതും കഴിക്കുമ്പോൾ ഇതൊക്കെ കഴിക്കാൻ സാധിക്കുമോ എന്നോർത്ത് നമുക്ക് ആശ്ചര്യം തോന്നാറുണ്ട്. അത്തരത്തിൽ ബേബി പൗഡർ കഴിക്കുന്ന ഒരു യുവതിയുടെ വിചിത്രമായ വാർത്തയാണ് ഇപ്പോൾ സമൂഹ മാദ്ധ്യങ്ങളിൽ വൈറലായിരിക്കുന്നത്.
യുണൈറ്റഡ് സ്റ്റേറ്റിസിലെ ലൂസിയാന സ്വദേശിയായ ഡ്രെക്ക മാർട്ടിൻ എന്ന 27-കാരിയാണ് ബേബി പൗഡർ കഴിക്കുന്ന തന്റെ ആസക്തിയെ കുറിച്ച് വെളിപ്പെടുത്തിരിക്കുന്നത്. ബേബി പൗഡർ വാങ്ങുന്നതിനായി മാത്രം ഈ വർഷം ചിലവഴിച്ചത് 4,000 ഡോളറാണെന്നും കറ്റാർവാഴയും വിറ്റാമിൻ ഋയും അടങ്ങിയ 623 ഗ്രാമിന്റെ ബോട്ടിലാണ് തനിക്കേറെ ഇഷ്ടമെന്നും ഡ്രെക്ക പറയുന്നു. സാധാരണ ഭക്ഷങ്ങളേക്കാൾ ബേബി പൗഡർ കഴിക്കാനാണ് ഇഷ്ടമെന്നും അവർ പറഞ്ഞു.
ബേബി പൗഡർ ചർമ്മത്തിനു വേണ്ടി ഉപയോഗിക്കാനുള്ളതാണെന്നും ഇത് കഴിക്കാൻ പാടില്ലെന്നും ഇവയുടെ ബോട്ടിലിൽ പറയുന്നുണ്ട്. എന്നാൽ ഇതു കഴിക്കുന്നത് തനിക്ക് മറ്റു ആരോഗ്യ പ്രശ്നങ്ങൾ ഉണ്ടാക്കിയിട്ടില്ലെങ്കിലും ഈ ശീലം നിർത്തണമെന്ന് ആഗ്രഹമുണ്ടെന്നാണ് ഡ്രെക്കയുടെ ആഗ്രഹം. ഇവർക്ക് ഒരു മകനുണ്ട്. തന്റെ ഈ ശീലം മകനും ഉണ്ടാകുമോ എന്നോർത്ത് മനസ് വല്ലാതെ അസ്വസ്ഥതപ്പെടുത്താറുണ്ടെന്നും അവർ പറയുന്നു.
