ദിലീപിന്റെ പുതിയ ചിത്രമായ തങ്കമണിയുടെ ആദ്യഗാനം റിലീസ് ചെയ്തു. തങ്കമണി എന്ന പ്രദേശത്തിന്റെയും ഒരു രാത്രി നാടിനെ നടുക്കിയ സംഭവത്തിന്റെയും തീവ്രത വെളിപ്പെടുത്തുന്ന തരത്തിലുള്ളതാണ് പാട്ട്. പെണ്ണിന്റെ പേരല്ല തങ്കമണി…വെന്ത നാടിന്റെ പേരല്ലോ തങ്കമണി… എന്ന് തുടങ്ങുന്ന ഗാനം രചിച്ചിരിക്കുന്നത് ബി ടി അനിൽകുമാറാണ്.
ഗാനത്തിന് സംഗീതം നൽകിയിരിക്കുന്നത് വില്യം ഫ്രാൻസിസ് ആണ്. വില്യം തന്നെണ് ആലപിച്ചിരിക്കുന്നതും. ഉടൽ എന്ന ചിത്രത്തിന് ശേഷം രതീഷ് രഘുനന്ദൻ സംവിധാനം ചെയ്യുന്ന ചിത്രം കൂടിയാണിത്. സൂപ്പർ ഗുഡ് ഫിലിംസിന്റെ ബാനറിൽ ആർ.ബി. ചൗധരി, ഇഫാർ മീഡിയയുടെ ബാനറിൽ റാഫി മതിര എന്നിവർ ചേർന്ന് നിർമ്മിച്ച് രതീഷ് രഘുനന്ദൻ സംവിധാനം ചെയ്യുന്ന ദിലീപിന്റെ 148-ാമത്തെ ചിത്രമാണ് തങ്കമണി.
നീത പിളള, പ്രണിത സുഭാഷ് എന്നിവരാണ് ദിലീപിന്റെ നായികമാരായി എത്തുന്നത്. ബിഗ് ബജറ്റില് ഒരുങ്ങുന്ന സിനിമയിൽ മലയാളത്തിലേയും തമിഴിലേയും വന് താരനിര തന്നെ അണിനിരക്കുന്നു. സിനിമയുടെ ചിത്രീകരണം കട്ടപ്പനയിലാണ് പ്രധാനമായും നടന്നത്.
തെന്നിന്ത്യയിലെ പ്രഗത്ഭരായ ഫൈറ്റ് മാസ്റ്റര്മാരായ രാജശേഖരന്, സ്റ്റണ്ട് ശിവ, സുപ്രീം സുന്ദര്, മാഫിയ ശശി എന്നിവര് ഒരുക്കുന്ന സംഘട്ടന രംഗങ്ങളും സിനിമയിലുണ്ടാകും. സിനിമയിൽ അജ്മല് അമീര്, സുദേവ് നായര്,സിദ്ദിഖ്, മനോജ് കെ ജയന്, കോട്ടയം രമേഷ്, മേജര് രവി, സന്തോഷ് കീഴാറ്റൂര്,അസീസ് നെടുമങ്ങാട്, തൊമ്മന് മാങ്കുവ, ജിബിന് ജി, അരുണ് ശങ്കരന്, മാളവിക മേനോന്, രമ്യ പണിക്കര്, മുക്ത, ശിവകാമി, അംബിക മോഹന്, സ്മിനു, തമിഴ് താരങ്ങളായ ജോണ് വിജയ്, സമ്പത്ത് റാം എന്നിവര്ക്ക് പുറമേ അന്പതിലധികം ക്യാരക്ടര് ആര്ട്ടിസ്റ്റുകളും ഭാഗമാകുന്നുണ്ട്. അഞ്ഞൂറിലേറെ ജൂനിയര് ആര്ട്ടിസ്റ്റ്സുകളും സിനിമയില് അണിനിരക്കുന്നു.
