നടൻ റെഡിൻ കിംഗ്സ്ലി നടി സംഗീതയും വിവാഹിതരായി. ഇരുവരുടെയും പ്രണയവിവാഹമാണ്. ചെന്നൈയിൽ വളരെ ലളിതമായാണ് വിവാഹ ചടങ്ങുകൾ നടന്നത്. ഇരുവരുടെയും കുടുംബാംഗങ്ങളും സുഹൃത്തുക്കളും മാത്രമാണ് ചടങ്ങിൽ പങ്കെടുത്തത്. വിവാഹ ചിത്രങ്ങൾ സമൂഹമാദ്ധ്യമങ്ങളിൽ വൈറലാണ്.
ബഹുമുഖ പ്രതിഭയായ റെഡിൻ കിംഗ്സ്ലി കൊറിയോ ഗ്രാഫറായാണ് സിനിമാ മേഖലയിൽ എത്തിയത്. അഭിനയമോഹം പങ്കുവെച്ചതോടെ സംവിധായൻ നെൽസൺ ദിലീപ് കുമാർ, കോലമാവ് കോകില എന്ന സിനിമയിൽ ഒരു അവസരം നൽകുകയായിരുന്നു. ചിത്രത്തിൽ കോമഡി റോളിലാണ് റെഡിൻ എത്തിയത്. പിന്നീട് തമിഴ് സിനിമയിൽ നിരവധി വേഷങ്ങൾ താരം മനോഹരമാക്കി. നിലവിൽ തമിഴ് സിനിമയിലെ മുൻനിര കോമഡി നടന്മാരിൽ ഒരാളാണ് റെഡിൻ കിംഗ്സ്ലി.
നിരവധി ടെലിവിഷൻ പരമ്പരകളിലൂടെ ശ്രദ്ധേയമായ സംഗീത സിനിമകളിലും അഭിനയിച്ചിട്ടുണ്ട്. ലളിതമായി നടന്ന വിവാഹത്തിന്റെ ചിത്രങ്ങൾ പുറത്ത് വന്നതോടെ ഇരുവർക്കും ആരാധകരുടെ അഭിനന്ദന പ്രവാഹമാണ് വന്നുകൊണ്ടിരിക്കുകയാണ്.
