ദുബായിലെ വീട്ടിൽ കൃഷ്ണ കീർത്തന അർച്ചന സംഘടിപ്പിച്ച് സംഗീത സംവിധായകൻ എ.ആര് റഹ്മാന്. അർച്ചനയിൽ പങ്കെടുക്കാൻ വിദേശ ഗായകർ ഉൾപ്പെടെ അദ്ദേഹത്തിന്റെ വസിതിയിൽ എത്തിയിരുന്നു. വിദേശ ഗായകർ കീർത്തനങ്ങൾ ആലപിക്കുമ്പോൾ അത് ആസ്വദിച്ച് കേട്ടിരിക്കുന്ന റഹ്മാന്റെ വീഡിയോ സമൂഹമാദ്ധ്യമങ്ങളിൽ വ്യാപകമായി പ്രചരിക്കുകയാണ്.
റഹ്മാന്റെ വീട്ടിലെ സ്വീകരണ മുറിയിൽ വച്ചായിരുന്നു കീർത്തന അർച്ചന നടത്തിയത്. റഹ്മാന്റെ ചില സുഹൃത്തുക്കളും കുടുംബാംഗങ്ങളും കീർത്തന അർച്ചനയിൽപങ്കെടുക്കുന്നത് ദൃശ്യങ്ങളിൽ കാണാം.
ThalaivArr purest soul 😍😍#ARRahman thalaiva @arrahman https://t.co/gamFEjfCop
— krish (@Krishcena111111) December 9, 2023
അതേസമയം, മിഷോങ് ചുഴലിക്കാറ്റിനെ തുടർന്ന് ചെന്നൈ നഗരം പ്രളത്തിൽ മുങ്ങിയിരിക്കുന്ന അവസരത്തിൽ പുതിയ പാട്ടിന്റെ പ്രമോഷന് പോസ്റ്റ് പങ്കുവച്ചതിന് എ ആർ റഹ്മാൻ വിവാദത്തിലായിരുന്നു. ‘പിപ്പ’ എന്ന ചിത്രത്തിന് വേണ്ടി റഹ്മാന് ഈണമൊരുക്കിയ ‘മേന് പര്വനാ’ എന്ന ഗാനമാണ് കഴിഞ്ഞ ദിവസം റിലീസ് ചെയ്തത്. ഈ പാട്ടിലെ ചടുലമായ സ്പന്ദനങ്ങൾ നിങ്ങളുടെ നൃത്തത്തെ നയിക്കട്ടെ’ എന്ന അടിക്കുറിപ്പോടെയായിരുന്നു റഹ്മാൻ വീഡിയോ പങ്കുവച്ചത്.
