കുടുംബത്തോടൊപ്പം പിറന്നാൾ ആഘോഷിച്ച് സൂപ്പർ സ്റ്റാർ രജനികാന്ത്. ഭാര്യ ലത, മക്കളായ ഐശ്വര്യ, സൗന്ദര്യ രജനികാന്ത് എന്നിവരും മറ്റ് കുടുംബാംഗങ്ങളും ചേർന്നാണ് രജനികാന്തിന്റെ 73-ാം ജന്മദിനം ആഘോഷിച്ചത്. കുടുംബത്തോടൊപ്പം കേക്ക് മുറിക്കുന്നതിന്റെ വീഡിയോകളും ചിത്രങ്ങളും ഇതിനോടകം തന്നെ സമൂഹമാദ്ധ്യമത്തിൽ വൈറലായിരിക്കുകയാണ്.
പിറന്നാൾ ദിനത്തിൽ നിരവധി പേരാണ് രജനികാന്തിന് ആശംസകൾ അറിയിച്ച് രംഗത്തെത്തിയത്. ചെന്നൈയിലെ അദ്ദേഹത്തിന്റെ വസതിക്ക് പുറത്ത് ജന്മദിനത്തില്‍ ആശംസകൾ അറിയിക്കാൻ വലിയ ആരാധകക്കൂട്ടം തന്നെയുണ്ടായിരുന്നു. ഇതിന്റെ ദൃശ്യങ്ങളും സമൂഹമാദ്ധ്യമങ്ങളിൽ തരംഗമായി കൊണ്ടിരിക്കുകയാണ്.
രജനികാന്തിന്റെ ജന്മദിനത്തോടനുബന്ധിച്ച് എല്ലാ വർഷവും തലൈവരുടെ മാസ് സിനിമകൾ തീയേറ്ററുകളിൽ എത്താറുണ്ട്. ഇത്തവണ ആരാധകരെ ആവേശത്തിലാക്കാൻ മുത്തു എന്ന സിനിമയാണ് തമിഴ്നാട്ടിലെ തിയേറ്ററിലെത്തിയത്. കാലങ്ങൾ പിന്നിട്ട് തീയേറ്ററുകളിൽ വീണ്ടും എത്തിയ മുത്തുവിനെ ഇരുകൈകളും നീട്ടിയാണ് ആരാധകർ വരവേറ്റത്.
ടി.ജെ ജ്ഞാനവേൽ സംവിധാനം ചെയ്യുന്ന വേട്ടയാൻ എന്ന സിനിമയുടെ തിരക്കിലാണ് ഇപ്പോൾ രജനികാന്ത്. തലൈവരുടെ പിറന്നാളിനോടനുബന്ധിച്ച് ഇന്നാണ് സിനിമയുടെ ടീസർ പുറത്തിറക്കിയത്. അടുത്ത വർഷമായിരിക്കും സിനിമ തിയേറ്ററുകളിലെത്തുക.
