നടി മഞ്ജു പിള്ളയുടെയും ഛായാഗ്രാഹകൻ സുജിത് വാസുദേവിന്റെയും മകളാണ് ദയ സുജിത്. ഇറ്റലിയിൽ പഠിക്കുന്ന താരപുത്രി മലയാളികൾക്ക് സുപരിചിതയായത് സോഷ്യൽ മീഡിയയിലൂടെയാണ്. പഠിത്തത്തോടൊപ്പം മോഡലിംഗിലും സജീവമാണ് താരപുത്രി. വളരെ ബോൾഡായ ഫോട്ടോഷൂട്ടുകളും ദയ ചെയ്യാറുണ്ട്. ഈ ചിത്രങ്ങളെല്ലാം ദയ ഇൻസ്റ്റഗ്രാമിൽ പങ്കുവെക്കാറുമുണ്ട്.
അത്തരത്തിൽ കഴിഞ്ഞ ദിവസം ദയ പങ്കുവെച്ച ചിത്രത്തിന് ചുവടെ കുറച്ച് മോശം കമന്റുകൾ എത്തി. ‘നിന്റെ മുഖം ഒട്ടും സുന്ദരമല്ല. വെറും മേനിപ്രദർശനം മാത്രം. നിന്നെ കാണാൻ ഒരു ശരാശരി പെൺകുട്ടിയെ പോലെയേ ഉള്ളൂ’ എന്നായിരുന്നു ഒരു കമന്റ്. ഈ കമന്റിന് ഇൻസ്റ്റഗ്രാം സ്റ്റോറിയിലൂടെയാണ് ദയ മറുപടി നൽകിയത്. ‘നിങ്ങൾ പറഞ്ഞത് വളരെ ശരിയാണ് ആന്റി. നിങ്ങളെ പോലെ സുന്ദരിയാകാൻ സാധിച്ചിരുന്നെങ്കിൽ എന്ന് ഞാൻ ആഗ്രഹിച്ചു പോകുകയാണ്’ എന്നാണ് ദയ മറുപടി നൽകിയത്. ഒപ്പം കമന്റിന്റെ സ്‌ക്രീൻഷോട്ടും കമന്റിട്ടയാളുടെ ചിത്രവും ദയ സ്‌റ്റോറിയിൽ പങ്കുവെച്ചു.
ദയയുടെ ഇൻസ്റ്റഗ്രാം സ്റ്റോറിയിലൂടെ തനിക്ക് ഫോളോവേഴ്‌സ് കൂടിയെന്ന് ചൂണ്ടിക്കാണിച്ച് കമന്റിട്ട് വിമർശക വീണ്ടും രംഗത്തെത്തി. ‘ഈ അമ്മച്ചിക്ക് ഫോളോവേഴ്‌സിനെ കൂട്ടാൻ എല്ലാ സഹായങ്ങളും ചെയ്തു നൽകണമെന്ന് തന്റെ ഫോളോവേഴ്‌സിനോട് അഭ്യർത്ഥിച്ച്’വീണ്ടും ദയ സ്റ്റോറി പോസ്റ്റ് ചെയ്തു.
