സിനിമ കണ്ടതും ഓടി വന്ന് കെട്ടിപ്പിടിച്ച് ആരാധിക; എല്ലാത്തിനും ദൈവത്തോട് നന്ദി പറഞ്ഞ് ശാലിൻ സോയ

കണ്ണകി എന്ന തമിഴ് സിനിമയുടെ പ്രീമിയറിൽ പൊട്ടിക്കരഞ്ഞ് നടി ശാലിൻ സോയ. സിനിമ കണ്ടതിന് ശേഷം ഒരു ആരാധിക വന്ന് കെട്ടിപിടിച്ച് അഭിനന്ദനം അറിയിക്കുന്നതിനിടയിലായിരുന്നു ശാലിൻ സോയ വൈകാരികമായി കരഞ്ഞത്. ഈ ദിവസം ജീവിതത്തിൽ താൻ എന്നെന്നും ഓർത്തുവയ്‌ക്കുമെന്നും തന്നെ കെട്ടിപ്പിടിച്ച് കരഞ്ഞ കാര്യം മറക്കില്ലെന്നുമായിരുന്നു തീയേറ്ററിലെ വൈകാരികമായ നിമിഷങ്ങൾ പങ്കുവച്ചു കൊണ്ട് താരം സമൂഹമാദ്ധ്യമത്തിൽ കുറിച്ചത്.

‘ഈ ദിവസം ഞാൻ ജീവിതത്തിൽ ഒരിക്കലും മറക്കില്ല. ഇത് കണ്ണകിയുടെ ആദ്യത്തെ ഷോയും ആദ്യത്തെ പ്രതികരണവുമാണ്. ‘എനിക്ക് നിന്നെ ഒന്ന് കെട്ടിപ്പിടിക്കണം’ എന്ന് പറഞ്ഞുകൊണ്ട് നിങ്ങൾ എഴുന്നേറ്റ് വന്നത് ഞാൻ ഒരിക്കലും മറക്കില്ല. സിനിമ കണ്ടു നിങ്ങളുടെ കണ്ണുകൾ നിറഞ്ഞൊഴുകിയതും മറക്കില്ല. ദൈവമേ അങ്ങയുടെ കരുണയിൽ ഞാൻ നന്ദിയുള്ളവളാണ്.’- ശാലിൻ സോയ കുറിച്ചു.

I will never ever ever forget this day in my life! This was the very first special show and this was the very first response. I will never forget you mam, The way you stood up and and said “I want to hug you’!” and the way you cried. Alhamdullillah I’m grateful❤️ pic.twitter.com/RrRP2oT5tn

— Shaalin Zoya (@shaalinofficial) December 12, 2023

ദുരിതം പേറിയ ജീവിതം നയിക്കുന്ന നാല് പെൺകുട്ടികളുടെ കഥയാണ് തമിഴ് സിനിമയായ കണ്ണകിയിൽ പറയുന്നത്. താൻ ആ​ഗ്രഹിക്കുന്ന തരത്തിൽ ജീവിക്കുന്നതിനായി നിരന്തരമായിട്ടുള്ള പരിശ്രമവും പോരാട്ടങ്ങളുമാണ് ചിത്രത്തിൽ പറയുന്നത്. യശ്വന്ത് കിഷോർ സംവിധാനം ചെയ്യുന്ന ചിത്രത്തിൽ കീർത്തി പാണ്ഡ്യൻ, അമ്മു അഭിരാമി, വിദ്യ പ്രദീപ്, ശാലിൻ സോയ തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. ഈ മാസം 15 ന് ചിത്രം തീയേറ്ററിൽ എത്തും.