പ്രീപെയ്ഡ് വരിക്കാർക്ക് വേണ്ടി 14 ഒടിടി പ്ലാറ്റ്ഫോമുകൾ സൗജന്യമായി ലഭിക്കുന്ന ജിയോ ടിവി പ്രീമിയം പ്ലാൻ അവതരിപ്പിച്ച് റിലയൻസ്. ജിയോ ടിവി വരിക്കാർക്ക് വേണ്ടിയാണ് പുതിയ പ്ലാനുകൾ അവതരിപ്പിച്ചിരിക്കുന്നത്. ആദ്യമായാണ് ജിയോ ടിവിയുടെ പ്രീമിയം പതിപ്പ് കമ്പനി അവതരിപ്പിക്കുന്നത്. അൺലിമിറ്റഡ് ഡാറ്റ-കോളുകൾ-എസ്എംഎസ് എന്നിവയ്ക്കൊപ്പം 14 പ്രമുഖ ഒടിടി സബ്സ്ക്രിപ്ഷൻ വരെ ഇതിലൂടെ ലഭ്യമാകും. പ്രതിമാസ-ത്രൈമാസ-വാർഷിക പ്ലാനുകളാണ് സബ്സ്ക്രൈബേഴ്സിന് വേണ്ടി ജിയോ അവതരിപ്പിച്ചിരിക്കുന്നത്.
പ്രതിമാസം 1000 രൂപ വരുന്ന 14 ഒടിടി സബ്സ്ക്രിപ്ഷനുകൾ കൂടുതൽ തുക ചിലവാകാതെ ലഭിക്കുന്നു എന്നതാണ് ഈ പ്രീപെയ്ഡ് പ്ലാനിന്റെ നേട്ടം. ഇന്ന് മുതൽ ഇത്തരത്തിൽ മൂന്ന് പ്ലാനുകളും ലഭ്യമാകും. 28 ദിവസത്തെ പ്ലാനിന് 398 രൂപയാണ് സബ്സ്ക്രിപ്ഷൻ ഫീസ്. 84 ദിവസത്തേക്ക് 1,198 രൂപയാണ് നിരക്ക്. 365 ദിവസത്തേക്ക് 4,498 രൂപയാണ് വാർഷിക നിരക്ക്. ദേശീയ-അന്തർദേശീയ-പ്രാദേശിക ഉള്ളടക്കങ്ങളാകും 14 ഒടിടി ആപ്പുകൾ മുഖേന ലഭിക്കുക.
ജിയോസിനിമ പ്രീമിയം, ഡിസ്നി + ഹോട്ട്സ്റ്റാർ, സീ 5, സോണി ലിവ്, പ്രൈം വീഡിയോ (മൊബൈൽ), ലയൺസ്ഗേറ്റ് പ്ലേ, ഡിസ്കവറി +, ഡോക്യുബേ, സൺ നെക്സ്റ്റ്, ഹോയി ചോയ്, പ്ലാനറ്റ് മറാഠി, ചൗപാൽ, എപിക്ഓൺ, കാഞ്ച ലങ്ക എന്നിവയാണ് പ്രീപെയ്ഡ് പ്ലാനിലൂടെ ലഭ്യമാകുന്ന 14 ഒടിടി പ്ലാറ്റ്ഫോമുകൾ.
പ്രീപെയ്ഡ് പ്ലാനിന്റെ വിശദാംശങ്ങൾ…
398 രൂപയുടെ പ്ലാൻ 28 ദിവസമാണ് ലഭിക്കുക. പ്രതിദിനം രണ്ട് ജിബി ഡാറ്റ, അൺലിമിറ്റഡി വോയ്സ് കോളിംഗ്, പ്രതിദിനം 100 എസ്എംഎസ്, ജിയോ ടിവി പ്രീമിയം 11 ഒടിടി സബ്സ്ക്രിപ്ഷനുകളും ലഭിക്കും.
84 ദിവസത്തേക്ക് 1,198 രൂപയുടെ പ്ലാനാണ് ലഭിക്കുക. പ്രതിദിനം രണ്ട് ജിബി ഡാറ്റ, അൺലിമിറ്റഡ് വോയ്സ് കോളിംഗ്, പ്രതിദിനം 100 എസ്എംഎസ്, 14 ഒടിടി പ്ലാറ്റ്ഫോമുകൾ.
4498 രൂപയുടെ വാർഷിക പ്ലാൻ 365 ദിവസത്തേക്കാകും ലഭ്യമാകുക. പ്രതിദിനം രണ്ട് ജിബി ഡാറ്റയും അൺലിമിറ്റഡ് വോയിസ് കോളിംഗും ഇതിലൂടെ ലഭിക്കും. പ്രതിദിനം 100 എസ്എംഎസ്, 14 ഒടിടി എന്നിവ ലഭ്യമാകും. കൂടാതെ കസ്റ്റമർ കെയർ സർവീസും ജിയോ സിനിമാ പ്രീമിയം കൂപ്പണും ഇതിലൂടെ ലഭിക്കും.ഇഎംഐ അടിസ്ഥാനത്തിൽ ഈ പ്ലാനിന്റെ വരിക്കാരാകാവുന്നതാണ്.
