സമൂഹ മാദ്ധ്യമങ്ങൾ ജനജീവിതത്തിൽ വളരെയധികം സ്വാധീനമാണ് ചെലുത്തുന്നത്. ഏതു കാര്യത്തിനും പരിഹാരം നമുക്ക് വിരൽതുമ്പിൽ കിട്ടുന്നുവെന്നതാണ് സത്യം. പാചകത്തിൽ തുടക്കകാരാണെങ്കിൽ പോലും നമുക്ക് വേണ്ടത് വെറുതെയൊന്നു സെർച്ച് ചെയ്താൽ നിരവധി കാര്യങ്ങളാണ് മുന്നിലെത്തുന്നത്. പാചകലോകത്ത് വ്യത്യസ്തമാർന്ന നിരവധി വീഡിയോകൾ നമുക്ക് അവിടെ കാണാൻ സാധിക്കും. അത്തരത്തിൽ വൈറലായ ചില പാചകങ്ങൾ പരിചയപ്പെടാം..
തക്കാളി ഐസ്‌ക്രീം
കഴിഞ്ഞ ജൂണിലാണ് തക്കാളി ഐസ്‌ക്രീം സമൂഹ മാദ്ധ്യമങ്ങളിൽ ഇടം പിടിച്ചത്. തക്കാളി മുറിച്ച് അതിലേക്ക് ഐസ് കട്ടകളും പാലും, കാരമെലും ഒഴിച്ച് തയ്യാറാക്കുന്ന ഐസ്‌ക്രീമാണിത്.
തന്തൂരി ചിക്കൻ ഐസ്‌ക്രീം
തക്കാളി ഐസ്‌ക്രീം നമ്മൾ പരിചയപ്പെട്ടു. എന്നാൽ ഇതിൽ നിന്നും കുറച്ചു വ്യത്യസ്തതമായ മറ്റൊരു ഐസ്‌ക്രീമാണ് പരിചയപ്പെടുന്നത്. തന്തൂരി ചിക്കൻ ഐസ്‌ക്രീം. തന്തൂരി ചിക്കനിലേക്ക് ചോക്ലേറ്റുകളും, ചോക്‌ളേറ്റ് സോസും പാലും ഒഴിച്ചുണ്ടാക്കുന്ന ഈ ഐസ്‌ക്രീമും ഒരു കാലത്ത് വളരെയധികം പ്രചാരം നേടിയിരുന്നു.
മാംഗോ പാനിപൂരി
സാധാരണ പാനിപൂരി എങ്ങനെയാണ് ഉണ്ടാക്കുന്നതെന്ന് നമുക്ക് അറിയാം. എന്നാൽ അതിൽ നിന്നും വ്യത്യസ്തമായി മാമ്പഴത്തിന്റെ പൾപ് ഉപയോഗിച്ച് നിർമ്മിക്കുന്ന ഒരു തരം പാനിപൂരിയാണിത്. എന്നാൽ ഈ പാനിപൂരി മറ്റു പാനിപൂരികളെ പോലെ എല്ലാവർക്കും ഇഷ്ടപ്പെടണമെന്നില്ല എന്ന കമ്മന്റുകളും ഉയർന്നു വന്നിരുന്നു.
