കുവൈറ്റ് സിറ്റി: കുവൈറ്റിന്റെ പുതിയ അമീറായി നിലവിലെ കിരീടാവകാശിയായ ഷെയ്ഖ് മിഷൽ അൽ അഹമ്മദ് അൽ ജാബിർ അൽ സബാഹിനെ ക്യാബിനറ്റ് പ്രഖ്യാപിച്ചു. കുവൈറ്റിന്റെ 16-ാമത് അമീറായ ഷെയ്ഖ് നവാഫ് അൽ അഹമ്മദ് ജാബിർ അൽ സബാഹിന്റെ പിൻഗാമിയായിട്ടാണ് നിഗമനം.
ദേഹാസ്വാസ്ഥ്യത്തെ തുടർന്ന് ദിവസങ്ങളായി ആശുപത്രിയില് ചികിത്സയിലായിരുന്ന അമീർ ഷെയ്ഖ് നവാഫ് അൽ അഹമ്മദ് ഇന്ന് ഉച്ചയോട് കൂടിയാണ് അന്തരിച്ചത്. 1962 ലായിരുന്നു ഹവല്ലി ഗവർണറായി ഷെയ്ഖ് നവാഫ് ഔദ്യോഗിക ജീവിതത്തിന് തുടക്കം കുറിക്കുന്നത്. അന്ന് അദ്ദേഹത്തിന് 25 വയസായിരുന്നു പ്രായം.
1994 ഒക്ടോബറില് കുവൈത്ത് നാഷണൽ ഗാർഡിന്റെ ഡെപ്യൂട്ടി ചീഫായി ചുമതലയേറ്റ ഷെയ്ഖ് നവാഫ് 2003 വരെ ആ പദവിയിൽ തുടർന്നു. 2020ലാണ് മുൻ അമീറിന്റെ നിര്യാണത്തെത്തുടർന്ന് രാജ്യത്തെ നയിക്കാൻ അമീർ പദവിയിലേക്ക് എത്തിയത്.
