ന്യൂയോർക്ക്: അർജന്റീനയെ ലോകകപ്പ് കിരീടത്തിലേക്ക് നയിച്ച ലയണൽ മെസിയുടെ ഫുട്ബോൾ ജീവിതം പ്രമേയമാക്കിയുള്ള ഡോക്യുമെന്ററിയുടെ ട്രെയിലർ പുറത്തിറങ്ങി. ‘Messi’s World Cup: The Rise of a Legend’ (മെസിയുടെ ലോകകപ്പ്: ഒരു ഇതിഹാസത്തിന്റെ ഉദയം) എന്ന് പേരിട്ടിരിക്കുന്ന ഡോക്യുമെന്ററി 2024 ഫെബ്രുവരി 21-ന് പുറത്തിറങ്ങും. ആപ്പിൾ ടിവി പ്ലസിലാണ് ട്രെയിലർ റിലീസ് ചെയ്തത്.
മെസി തന്നെ നേരിട്ട് സംസാരിക്കുന്നതാണ് ഡോക്യുമെന്ററി. അർജന്റീനയ്ക്കൊപ്പമുള്ള യാത്രയും ഖത്തർ ലോകകപ്പ് നേട്ടവുമെല്ലാം താരം ഡോക്യുമെന്ററിയിൽ വിശദമായി പറയുന്നുണ്ട്. ഡോക്യുമെന്ററിയിൽ മെസിയുടെ വ്യക്തിഗത അഭിമുഖം, പരിശീലകർ, സഹതാരങ്ങൾ, ആരാധകർ, കമന്റേറ്റർമാർ എന്നിവരുടെ അഭിമുഖവും ഉൾപ്പെടുത്തിയിട്ടുണ്ട്. നാല് ഭാഗങ്ങളാണ് ഡോക്യുമെന്ററിക്കുള്ളത്.
പാരീസ്, ഖത്തർ, അർജന്റീന എന്നിവിടങ്ങളിലായാണ് ഡോക്യുമെന്ററിയുടെ ഷൂട്ടിംഗ് നടന്നത്. സ്മഗ്ലേഴ്സ് എന്റർടെയ്ൻമെന്റും പെഗ്സയും സംയുക്തമായി ചേർന്ന് പ്രൊഡക്ഷൻ നിർവഹിച്ച സീരീസ് ആപ്പിൾ പ്ലസിലാണ് റിലീസ് ചെയ്യുക. ടിം പാസ്റ്റർ, പാട്രിക് മില്ലിങ് സ്മിത്, ബ്രയാൻ കാർമഡി, മാറ്റ് റെണ്ണർ, ജെന്ന മിൽമാൻ, ജുവാൻ കാമിലോ ക്രസ് എന്നിവരാണ് ഡോക്യുമെന്ററി നിർമ്മിച്ചത്.
