തിരുവനന്തപുരം: മുല്ലപ്പൂവിന്റെ വില കുത്തനെ ഉയരുന്നു. കിലോയ്ക്ക് 2,700 രൂപയാണ് വിപണി വില. ഒരു മീറ്റര് മുല്ലമാലയ്ക്ക് 750 രൂപ കൊടുക്കണം.
രണ്ട് മാസം മുൻപ് 500 രൂപ മുതല് 700 രൂപ വരെയായിരുന്നു വില. തുടർന്ന് വില 1,000-ത്തിലെത്തിയതോടെ കുതിക്കുകയായിരുന്നു. തോവാളയിൽ നിന്നാണ് തിരുവനന്തപുരം അടക്കമുള്ള ജില്ലകളിലേക്ക് മുല്ലപ്പൂ എത്തുന്നത്. ഇവിടെ നിന്നും 2,500 രൂപയ്ക്ക് ലഭിക്കുന്ന പൂവാണ് 2,700 രൂപയ്ക്ക് വിൽക്കുന്നത്. മുല്ലപ്പൂ കേടായാൽ വിലയും കൂടും.