തിരുവനന്തപുരം: ചിക്കൻ കറി നൽകിയത് കുറഞ്ഞ് പോയെന്ന് ആരോപിച്ച് ഹോട്ടല് ഉടമയെ വെട്ടിപ്പരിക്കേല്പ്പിച്ചു. തിരുവനന്തപരം വർക്കലയിലാണ് സംഭവം. രഘുനാഥപുരം സ്വദേശി 46-കാരൻ നൗഷാദിനാണ് പരിക്കേറ്റത്.
ഇന്ന് പുലര്ച്ചെ ഒന്നരയോടെയായിരുന്നു സംഭവം. ചിക്കന് കറി നല്കിയത് കുറഞ്ഞുപോയി എന്നാരോപിച്ച് രണ്ടുപേര് ഹോട്ടലില് ബഹളമുണ്ടാക്കി. തുടര്ന്നുണ്ടായ സംഘര്ഷത്തിനിടെ ഹോട്ടലുടമയ്ക്ക് വെട്ടേറ്റു. നൗഷാദിന്റെ തലയുടെ പിന്ഭാഗത്താണ് പരിക്കേറ്റത്. ഇയാള് വര്ക്കല സ്വകാര്യ ആശുപത്രിയില് ചികിത്സയിലാണ്.
വര്ക്കല താന്നിമൂട് സ്വദേശികളായ യുവാക്കളാണ് അക്രമത്തിന് പിന്നിലെന്നാണ് വിവരം. പ്രതികള്ക്കായി അന്വേഷണം ഊര്ജ്ജിതമാക്കിയതായി പോലീസ് അറിയിച്ചു. പ്രതികളുടെ ഇരുചക്രവാഹനം കസ്റ്റഡിയിലെടുത്തിട്ടുണ്ട്.