ഇത് താണ്ടാ കം ബാക്ക്…! കൊൽക്കത്തയ്‌ക്ക് സ്റ്റാർക്കിന്റെ സ്പാർക്ക്; പോക്കറ്റിലെ മുക്കാൽ പണവും കാലി

ഐപിഎൽ ചരിത്രിത്തിലെ ഏറ്റവും പണം നേടിയ താരമെന്ന ഓസ്ട്രേലിയൻ നായകൻ കമ്മിൻസിന്റെ റെക്കോർഡിന് മണിക്കൂറുകളുടെ ആയുസേ ഉണ്ടായിരുന്നുള്ളു. സ്വന്തം നാട്ടുകാരൻ തന്നെ അതേ തിരുത്തിക്കുറിച്ചു. ​ഗുജറാത്തും കൊൽക്കത്തയും നടത്തിയ പൊരിഞ്ഞ യുദ്ധത്തിനൊടുവിൽ 24.75 കോടി എന്ന റെക്കോർഡ് തുകയ്‌ക്ക് കിം​ഗ് ഖാന്റെ കൊൽക്കത്ത താരത്തെ സ്വന്തമാക്കുകയായിരുന്നു. ആദ്യം താരത്തിനായി മുംബൈയും ഡൽഹിയും രം​ഗത്തുണ്ടായിരുന്നു.

തുക കോടികൾ കടന്നതോടെ പിൻവാങ്ങുകയായിരുന്നു. കൊൽക്കത്ത പോക്കറ്റിലുണ്ടായിരുന്ന മുക്കാലും ചെലവഴിച്ചാണ് ഓസ്ട്രേലിയൻ പേസറെ കൂടാരത്തിലെത്തിച്ചത്.2014-2015 സീസണിൽ റോയൽ ചലഞ്ചേഴ്സ് ബെം​ഗളൂരുവിനൊപ്പമായിരുന്നു സ്റ്റാർക്ക്. ഇതിന് പിന്നാലെ വർഷങ്ങളോളം ഐപിഎല്ലിൽ നിന്ന് താരം വിട്ടുനിൽക്കുകയായിരുന്നു. പിന്നീട് 2024 ന് മുന്നോടിയായുള്ള മിനി ലേലത്തിൽ പേര് രജിസ്റ്റർ ചെയ്യുകയായിരുന്നു.

സൺറൈസേഴ്സ് ഹൈദരാബാദാണ് 20.50 കോടിക്ക് കമ്മിൻസിനെ സ്വന്തമാക്കിയത്. കാമറോണ്‍ ഗ്രീന്‍(17.50 കോടി), ബെന്‍ സ്റ്റോക്സ്(16.25 കോടി), ക്രിസ് മോറിസ്(16.25 കോടി), നിക്കോളാസ് പുരാന്‍(16 കോടി), യുവരാജ് സിംഗ്(16 കോടി) എന്നിവരാണ് ഐപിഎല്‍ ലേലത്തില്‍ മുമ്പ് 16 കോടി പിന്നിട്ട താരങ്ങൾ