ക്രിസ്മസിനെ വരവേൽക്കാനുള്ള തയ്യാറെടുപ്പിലാണ് ഓരോരുത്തരും. ക്രിസ്മസ് ട്രീയും പുൽക്കൂടുമൊക്ക ഒരുക്കുന്നതിന്റെയും നക്ഷത്രങ്ങൾ തൂക്കുന്നതിന്റെയും തിരക്കിലാണ് എല്ലാവരും. ഇതിനിടെ ബഹിരാകാശത്തും ക്രിസ്മസ് ആഘോഷങ്ങൾ തുടങ്ങി! അതെ, അതിശയകരമായ ചിത്രം പങ്കുവെച്ചരിക്കുകയാണ് നാസ.
ബഹിരാകാശത്ത് തിളങ്ങുന്ന കോസ്മിക് ക്രിസ്മസ് ട്രീയായ NGC 2264 എന്നറിയപ്പെടുന്ന നക്ഷത്ര കൂട്ടത്തിന്റെ കണ്ണഞ്ചിപ്പിക്കുന്ന ചിത്രമാണ് നാസ പങ്കുവെച്ചത്. ഭൂമിയിൽ നിന്ന് 2,500 പ്രകാശ വർഷം അകലെയാണ് ഇത് സ്ഥിതി ചെയ്യുന്നത്. പങ്കുവെച്ച ക്ലസ്റ്ററിലെ ചില നക്ഷത്രങ്ങൾ താരതമേ്യന ചെറുതാണ്. മറ്റ് ചിലത് സൂര്യന്റെ പിണ്ഡത്തിന്റെ പത്തിലൊന്ന് മുതൽ ഏഴിരട്ടി വരെ വലുപ്പമുള്ളതാണ്. നാസയുടെ ജെയിംസ് വെബാണ് ചിത്രം പകർത്തിയത്.
It’s beginning to look a lot like cosmos. 🎶
Our @ChandraXray Observatory recently spotted the blue-and-white lights that decorate the “Christmas Tree Cluster,” a swarm of stars and gas some 2,500 light-years from Earth: https://t.co/VT2WaLgp77 pic.twitter.com/HrnrmxRyd7
— NASA (@NASA) December 19, 2023
പച്ച നിറത്തിലുള്ള വരകളും ആകൃതികളും ക്രിസ്മസ് ട്രീയോട് സാമ്യം പുലർത്തുന്നു. മരത്തിന്റെ ആകൃതിയിലുള്ള കൊമ്പുകളും ചിത്രത്തിലുണ്ട്. പ്രകാശത്തിന്റെ സമ്മേളനമാണ് ബഹിരാകാശത്തെ ഈ വിസ്മയം. പല തരത്തിലുള്ള പ്രകാശം എക്സ്റേ വഴി കാണുന്നതാണ് ഈ ചിത്രം.
